مریم نواز کی حامی صحافی غریدہ فاروقی نے بیرسٹر حسان نیازی کو تحریک انصاف کے قانونی معاملات پر فوکل پرسن بنانے پر اعتراض اٹھادئیے اور اسے موروثیت قرار دیدیا
اپنے ٹوئٹر پیغام میں غریدہ فاروقی نے کہا کہ تحریک انصاف کے سربراہ اور سابق وزیراعظم عمران خان کے بھانجے کو پارٹی لیڈر اور پارٹی کے قانونی معاملات پر فوکل پرسن مقرر کر دیا گیا۔
تحریک انصاف کے سپورٹرز کو جنونی قرار دیتے ہوئے انکا کہنا تھا کہ جنونیوں کے نزدیک یہ موروثیت نہیں ہو گی۔
انہوں نے مزید کہا کہ کیا پارٹی میں کوئی اور وکیل (خاص کر نوجون وکیل) اس عہدے کے لائق نہیں تھا۔۔۔؟
اس پر حسان نیازی کا کہنا تھا کہ ایسے لوگوں کو جو دوسروں کو خوش کرنے کیلئے ایسے ٹویٹس کرتےہیں انہیں جواب دینا ضروری نہیں سمجھتا۔
دیگر سوشل میڈیا صارفین نے غریدہ فاروقی کو جواب دیا اور کہا کہ یہ ٹویٹس موروثی سیاست کی مذمت کرنے کیلئے نہیں بلکہ موروثی سیاست سے آنیوالی مریم نواز کو خوش کرنے کیلئے ہے۔