حماد اظہر کے والد اور بہنوں کو گرفتار کرنیکی دھمکیاں کسے درست لگیں؟
جیونیوز کے اینکر عبداللہ سلطان نے حماد اظہر کے والد اور بہنوں کو گرفتار کرنیکی دھمکیوں کو درست عمل قرار دے دیا، حماد اظہر کے ٹوئٹ پر جواب دیتے ہوئے عبداللہ سلطان نے ٹویٹ میں لکھا بھائی آپ پاکستان میں نئے ہیں؟ ازل سے ایسا ہی ہوتا آیا ہے کہ جب کوئی ملزم پیش نا ہو اسے انہی طریقوں سے برآمد کروایا جاتا ہے۔
اینکر نے مزید لکھا اب خان صاحب نے لکھ کر دے دیا ہے کہ ایک سازش کے تحت مجھ پہ تشدد ہونے کی جھوٹی خبریں پھیلائیں گئیں، اور آپ تو پیش پیش تھے اس میں تو کیا آپ نے ہی اپنے لیڈر کے خلاف سازش کی؟
حماد اظہر نے ٹویٹ میں لکھا تھا کل میرے والد کو دھمکی دی گئی تھی کے ان کی بیٹیاں بھی گرفتار ہو سکتی ہیں، آج میری دو بہنوں کے گھر چھاپے پڑے لیکن وہ دونوں موجود نہیں تھیں۔
اس سے قبل پی ٹی آئی رہنما حماد اظہر نے گھر پر پولیس چھاپے کی ویڈیو جاری کی تھی،حماد اظہر نے ٹوئٹر پر ویڈیو جاری کرتے ہوئے بتایا کہ یہ ان کے گھر چوتھا چھاپہ ہے،میرے 82 سالہ والد کو وارننگ دی گئی کہ ان کی بیٹی کو بھی لے جاسکتے ہیں جس پر میرے والد نے جواب دیا کہ بیٹی اور بچوں کے بجائے وہ خود گرفتاری دے دیتے ہیں جب کہ یہ بیان دیتے ہوئے ان کی ویڈیو بھی بنائی گئی۔
پی ٹی آئی رہنما نے لکھا تھا میرے والد میاں محمد اظہر نے ساری عمر ایمانداری سے اعلیٰ عہدوں پر ملک کی خدمت کی اور ان کے والد میاں فضل تحریک پاکستان کے سپاہی تھے، انہوں نے جالندھر شہر میں اپنا تمام کاروبار اور جائیداد چھوڑ کر پاکستان کا رخ کیا، ریاست اگر آج ایسے بزرگ شہریوں کو بیٹیوں کی دھمکیاں دینے پر مجبور ہو چکی ہے تو یہ بھی کسی سانحہ سے کم نہیں،حماد اظہر پر بھی پارٹی کے دیگر رہنماؤں کی طرح گاڑیوں اور اہم تنصیبات کی توڑ پھوڑکے الزام میں مقدمہ درج ہے۔
