کراچی کی ملیر جیل میں چار قیدیوں نے اجتماعی طور پر خود کشی کی کوشش کی مگر کامیاب نا ہوسکے، چاروں قیدیوں کو زخمی حالت میں ہسپتال منتقل کردیا گیا ہے۔
تفصیلات کے مطابق کراچی میں شاہ لطیف تھانے کی حدود میں دسٹرکٹ جیل ملیر میں چار قیدیوں نے خود کو مارنے کی کوشش کی ، اس کوشش میں چاروں شدید زخمی ہوگئے جس کے بعد انہیں پولیس کسٹڈی میں جناح اسپتال منتقل کردیا گیا ہے۔
پولیس کی ابتدائی تحقیقاتی رپورٹ کے مطابق قیدیوں نے اقدام خودکشی کیلئے تیز دھار آلے کا استعمال کرتے ہوئے اپنے جسم کے مختلف حصوں پر کٹ لگائے ، اقدام خود کشی کرنے والے قیدیوں کی شناخت انعام، شاہد، نسیم شاہ اور اسد کے ناموں سے ہوئی ہے۔
واقعہ پر جیل انتظامیہ کی جانب سے متعلقہ تھانے میں مقدمہ درج کروادیا گیا ہے ، پولیس نے مقدمے میں اقدام خودکشی کی دفعات شامل کرکے تفتیش شروع کردی ہے۔
