جمہوریت بمقابلہ آمریت

[Daanish]

جمہوریت vs آمریت
اگر ہم انسانی تاریخ کا جائزہ لیں تو ایک بات بخوبی سمجھ آتی ہے کہ جمہوریت اور انسانی ترقی ہمیشہ لازم وملزوم رہے ہیں ۔
انتہائی ذہین اور جینئس لوگوں کی بہت ہی کم تعداد ہوتی ہے جو ملک و قوم کو اٹھا سکتے ہیں یوں کہہ لیں کوئی دس لاکھ میں زیادہ سے زیادہ ایک ۔ لیکن ان کے ساتھ مسئلہ یہ ہو تا ہے کہ یہ طبعاً آزاد منش , بے خوف اور بے نیاز قسم کے لوگ ہوتے ہیں جو صرف اور صرف ایک آزاد اور جمہوری ماحول میں ہی کام کر سکتے ہیں ۔ آمریت کو کبھی ایسے لوگ راس نہیں آتے اور نہ آمریت ایسے لوگوں کو ۔ لہٰذا ایسے حالات میں یہ لوگ کنارہ کشی کر لیتے ہیں یا باغی ہو جاتے ہیں ۔ تب ان کو غدار قرار دے کر قید و بند یا قتل کر دیا جاتا ہے یا پھر یہ کہیں ہجرت کرنے میں کامیاب ہو جاتے ہیں ۔ پیچھے آمروں کی قسمت میں فقط لالچی ' خوشامدی اور ابن الوقت قسم کے گھامڑ رہ جاتے ہیں جو ملک و قوم کو پستیوں میں پھینک کر اپنے لیے نئی منزلوں کی تلاش میں نکل جاتے ہیں ۔
جو بھی آج تک عظیم تہذیب گذری جمہوریت اور عوامی مشاورت کی بنیاد پر قائم رہی اور آمریت کے ہاتھوں تباہ ہوئی ۔
ایک یا دوچار اپنے آپ کو کتنے بھی عقلمندسمجھنے والے لوگ کبھی بھی کسی بھی طرح عوامی شعور کا مقابلہ کر ہی نہیں سکتے ۔ آپ لوگوں کو شعور تو دے سکتے ہیں رہنمائی تو کر سکتے ہیں ' لیکن زبردستی نہیں کر سکتے ۔
آمریت ایک نفسیاتی اور شیطانی ذہنی بیماری ہے جس میں کوئی شخص اپنے آپ کو دوسروں سے اعلیٰ و ارفع سمجھ کر ان کو اپنی مرضی ومنشا کے مطابق ہانکنا چاہتا ہے ۔
ہٹلر نے 1930 کی دہائی میں جب اپنی آمریت سے جرمنی پر ظلم و ستم شروع کیا تو بہت سے سائنسدان ' مفکر ' فلاسفر ' تاجر اور دانشور انگلینڈ اور پھر وہاں سے امریکہ چلے گئے ۔آمر اور اس کے گھامڑ حواری سمجھے چلو جان چھوٹی دفعہ ہوئے ۔ مگر یہی وہ لوگ تھے جنہوں نے امریکا کو سپر پاور بنایا ۔ یہی نہیں بلکہ ان میں سے ایک شخص البرٹ آئنسٹائن بھی تھا جو صحیح معنوں میں ایٹم بم کا موجد تھا ۔ اور وہی ہٹلر سمیت تمام نازیوں کو جہنم واصل کرنے کا سبب بنا ۔
ملک اور قوم انسانوں سے بنتے ہیں اور انسانی دماغ صرف جمہوری آزادیوں کے سائے میں تخلیقی نشوونما کو پروان دیتے ہیں ۔
آمریت ایک آسیب ہے جو دانش وتخلیق اور علم وحکمت کو کھا جاتا ہے اور منفیت ' یاسیت اور تخریب کو جنم دیتاہے ۔
آج کے دور میں بھی شمالی کوریا اور جنوبی کوریا کے فرق سے آمریت اور جمہوریت کو سمجھا جا سکتا ہے ۔
ویسے جب دیوارِ برلن گرائی گئی تو بھی دنیا نے زمین آسمان کا یہ فرق دیکھا مشرقی جرمنی اور مغربی جرمنی میں ۔ ایک طرف بھوک افلاس بیماری اور پسماندگی جبکہ دوسری طرف تعمیر ترقی اور خوش حالی ۔ ایک سی سرزمین ' لوگ ' آب وہوا اور وسائل ۔کے ۔۔باوجود ۔ وجہ صرف۔۔
ایک طرف آمریت تو دوسری طرف جمہوریت ۔​

 

[patwari_sab]

 

[Sach Bolo]

Hitler died with a self inflicted wound though his party remains popular in Germany and abroad as a banned fascist cult till this day

 

[Truth matters]

Yazid Vs Hussein Alayhisalam

 

[patwari_sab]

Hitler died with a self inflicted wound though his party remains popular in Germany and abroad as a banned fascist cult till this day

sach yeh hai ke na_pakfouj ki patloon 71 me bengal me reh gayi ti