پیپلز پارٹی کے آصف زرداری صدر بن گئے, ان پر 2021 میں جعلی اکاؤنٹس کیس میں فردجرم عائد ہونا تھی,فردجرم تو آج تک عائد نہ ہوئی لیکن وہ دوبارہ صدارت پر براجمان ہوگئے
صحافی سہیل رشید کے مطابق آصف زرداری پر جعلی اکاؤنٹس کے پانچویں ریفرنس میں بھی فرد جرم کا فیصلہ کیا گیا تھا ،8 ارب منی لانڈرنگ کے کیس میں 29 ستمبر کو فرد جرم کیلئے طلب کیا گیا تھا, ایوان صدر میں اسٹینو بھرتی ہو کر زرداری کے ساتھ سو سے زیادہ بار بیرون ملک جانے والے اور اربوں روپے اکاونٹ میں رکھنے والے مشتاق احمد اشتہار ی قرار دیئے گئے تھے.
نیب کی حالیہ تاریخ میں سب سے زیادہ ریکوری، سب سے زیادہ وعدہ معاف گواہان اور پلی بارگین والے اسکینڈل کے مرکزی کردار کیخلاف پانچ ریفرنس اب بھی موجود ہیں مگر " نیب کی کیا مجال" کہ اگلے پانچ سال اسی "بڑے صاحب" کو سلیوٹ مار کر کرپشن کیخلاف اپنے اقدامات کی رپورٹ پیش نہ کرے.
اطہر کاظمی کا کہنا تھا کہ آصف زرداری تو صدر بن گئے اب جعلی اکاؤنٹس والی جے آئی ٹیز کا کیا کرنا ہے؟ کیوں کہ ان ساری جے آئی ٹیز میں بہت کچھ ثابت ہوگیا تھا۔
دوسری جانب عمران خان پر کیسز اسکے کئی سال بعد بنے اور اب تک نہ صرف توشہ خانہ کیس بلکہ سائفرکیس، توشہ خانہ نیب ریفرنس، عدت میں نکاح کیس میں ان پر فردجرم عائد ہوچکی ہے بلکہ سزا بھی ہوچکی ہے,اسی طرح جس دن شہبازشریف پر فردجرم عائد ہونا تھی اسی روز وہ وزیراعظم بن گئے اور نہ صرف فردجرم رک گئی بلکہ کیس بھی ختم ہوگیا۔
نومنتخب صدر آصف علی زرداری کی تقریب حلف برداری آج شام چار بجے ایوان صدر میں ہوگی۔ چیف جسٹس پاکستان جسٹس قاضی فائز عیسیٰ آصف زرداری سے حلف لیں گے۔ وزیراعظم شہبازشریف نے آصف علی زرداری کو دوسری مرتبہ صدر پاکستان منتخب ہونے پر مبارکباد دیتے ہوئے کہا کہ ان کا بطور صدر پاکستان انتخاب، جمہوری اقدار کا تسلسل ہے۔
پاکستان کے الیکشن کمیشن نے صدارتی انتخاب کا نتیجہ جاری کردیا ہے جس کے مطابق آصف علی زرداری 411 ووٹ لے کر ملک کے صدر منتخب ہوگئے ہیں۔الیکشن کمیشن کے مطابق ان کے حریف محمود خان اچکزئی کو 181 ووٹ ملے۔پاکستان میں صدر کے انتخاب میں پارلیمنٹ اور چاروں صوبائی اسمبلیوں میں بیک وقت ہوتے ہیں اور الیکٹورل کالج میں کُل ملا کر 1185 ووٹ ہوتے ہیں۔
پاکستان کی اسمبلیوں میں اس وقت 92 نشستیں خالی ہیں۔ سنیچر کو ہونے والے انتخاب میں 1044 اراکینِ اسمبلی اور سینیٹ نے ووٹ دیا۔
الیکشن کمیشن کے مطابق انتخاب کا نتیجہ وفاقی حکومت کو بھیجا جا چکا ہے اور ان کی جانب سے آصف علی زرداری کی کامیابی کا نوٹیفکیشن اتوار کو جاری کیا جائے گا۔
- Featured Thumbs
- https://www.siasat.pk/data/files/s3/fadh1i1h1.jpg
