بھارت کے ارب پتی تاجر گوتم اڈانی نے اپنے بیٹے کی شادی پر 10 ہزار کروڑ روپے سماجی کاموں کے لیے عطیہ کر دیے۔
بھارتی میڈیا کے مطابق اڈانی گروپ کے چیئرمین گوتم اڈانی کے بیٹے جیت اڈانی کی شادی ہیرے کے تاجر کی بیٹی دیوا سے ہوئی۔ یہ شادی سادہ، مذہبی اور گجراتی رسم و رواج کے مطابق انجام پائی، جس میں خاندان اور قریبی رشتہ داروں نے شرکت کی۔
یہ شادی نہ صرف خبروں کا حصہ بنی بلکہ سوشل میڈیا پر بھی زیر بحث ہے، جس کی وجہ یہ ہے کہ ایک امیر صنعت کار کے بیٹے کی شادی سادہ انداز میں ہوئی اور اس میں گوتم اڈانی کی جانب سے سماجی کاموں کے لیے 10 ہزار کروڑ بھارتی روپے کا عطیہ بھی شامل ہے۔
میڈیا رپورٹس کے مطابق، اس عطیے کا بڑا حصہ صحت کی دیکھ بھال، تعلیم اور دیگر بنیادی ضروریات پر خرچ کیا جائے گا۔
- Featured Thumbs
- https://i.ibb.co/xq287dMm/atia.jpg
