ڈاکٹر مراد راس اور فیض اللہ کموکا ایک پریس کانفرنس کرکے بری۔۔ماریہ میمن نے 9 مئی کے حوالے سےانتہائی اہم سوالات اُٹھا دیے
ماریہ میمن کا کہنا تھا کہ مراد راس اور فیض اللہ کموکا کا نام پی ٹی آئی کے ان رہنماؤں میں تھا جو مبینہ طور پر 9 مئی کے واقعات میں ملوث تھے ، مراد راس نے چار ٹی وی شوز میں شرکت کی لیکن انہیں گرفتار نہیں کیا گیا شاید اس کی وجہ پریس کانفرنس ہو
ماریہ میمن نے مزید کہا کہ آئی جی پنجاب کی پریس کانفرنس کے مطابق مراد راس صاحب کا نام بھی ملزمان لسٹ میں شامل ہے۔۔23 فون کالز کے باوجود مراد راس صاحب نہ تو گرفتار ہوئے بلکہ پریس کانفرنس کرنے بعد بطور آزاد شہری مختلف ٹیلیویژن شوز پر دکھائی دیتے ہیں۔۔
انہوں نے سوال اٹھایا کہ کیا باقی ملزمان کے لئیے بھی مطلوبہ سہولت میسر ہونے کے امکانات ہیں؟
ماریہ میمن نے مزید کہا کہ فیض کموکہ صاحب بھی 54 کالز کے باوجود پریس کانفرنس کرنے کے بعد قانون کے شکنجے سے آزاد ہیں۔