ایمنسٹی انٹرنیشنل ساؤتھ ایشیاء نےپاکستان تحریک انصاف کے رہنما اظہر مشہوانی کی گمشدگی پر تشویش کا اظہار کردیا ہے۔
مائیکروبلاگنگ ویب سائٹ ٹویٹر پر ایمنسٹی انٹرنیشنل ساؤتھ ایشیاء کے ویریفائیڈ ٹویٹر اکاؤنٹ سے جاری کردہ بیان میں کہا گیا ہے کہ ہم پاکستان میں اظہر مشوانی کی جبری گمشدگی کی خبروں سے پریشان ہیں، جن کا ٹھکانہ ابھی تک نامعلوم ہے۔
ایمنسٹی انٹرنیشنل کے مطابق جبری گمشدگیوں نے کئی دہائیوں سے پاکستان کے انسانی حقوق کے ریکارڈ کو داغدار کر دیا ہے اور یہ سلسلہ تاحال جاری ہے۔
بین الاقوامی ادارے نے حکومت پاکستان سے مطالبہ کرتےہوئے کہا کہ تمام لاپتہ افراد کو فوری طور پر رہا کریں یا انہیں فوری طور پر کسی شہری عدالت کے جج کے سامنے پیش کریں تاکہ ان کی گرفتاری یا نظر بندی پر فیصلہ کیا جا سکے کہ آیا انہیں رہا کیا جانا ہے یا نہیں۔
