ایف آئی اے کا حوالہ ہنڈی کاروبار کیخلاف سخت کریک ڈاؤن ، 38 کارروائیوں میں مجموعی طور پر 21 ہزار 831 ڈالر برآمد کیے
تفصٰلات کے مطابق کرنسی اسمگلرز اور ہنڈی حوالہ میں ملوث عناصر کے خلاف ایف آءی اے کا کریک ڈاؤن جاری ہے۔گزشتہ ہفتے میں ایف آئی اے نے حوالہ ہنڈی کاروبار کیخلاف سخت کریک ڈاؤن کیا، 38 کارروائیوں میں مجموعی طور پر 21 ہزار 831 ڈالر برآمد کیے
ترجمان ایف آئی اے کا کہنا ہے کہ گزشتہ ہفتے ملک بھر میں غیرقانونی کرنسی ایکسچینج کے خلاف 38 چھاپہ مار کارروائیاں کی گئیں، جن میں 63 ملزمان کو گرفتار کر کے 39 مقدمات درج کیے گئے۔
ترجمان نے مزید بتایا کہ گزشتہ ہفتے ہنڈی حوالہ میں ملوث ملزمان کے خلاف 8 انکوائریوں کی تفتیش مکمل کی گئی، ملزمان سے 18 کروڑ روپے سے زائد مالیت کی ملکی و غیر ملکی کرنسی برآمد کی گئی۔ گرفتار ملزمان مختلف کاروبار کی آڑ میں کرنسی کی غیر قانونی ایکسچینج میں ملوث تھے۔
ایف آئی اے کے ترجمان نے بتایا ہے کہ برآمد کرنسی 81 ہزار 831 ڈالرز، 5 کروڑ 39 لاکھ روپے سے زائد کی دیگر غیر ملکی کرنسی شامل ہے، برآمد کرنسی میں 12 کروڑ روپے سے زائد مالیت کی پاکستانی کرنسی بھی شامل ہے۔
