راولپنڈی پولیس اڈیالہ جیل پر حملہ کی منصوبہ بندی کرنے والے تین دہشت گردوں کو گرفتار کرلیا ہے، واقعہ پر سوشل میڈیا صارفین کیجانب سے اہم سوالات اٹھائے جارہے ہیں۔
تفصیلات کے طابق راولپنڈی پولیس کے مطابق پولیس اور سی ٹی ڈی نے مشترکہ طور پر کارروائی کرتے ہوئے تین دہشت گردوں کو گرفتار کیا ہے جن کا تعلق افغانستان سے ہے، دہشت گردوں سےا ڈیالہ جیل کا نقشہ اور گولہ بارود برآمد ہوا ہے۔
واقعہ پر سوشل میڈیا صارفین کیجانب سے ردعمل سامنے آیا ہے جس میں صارفین نے تشویش کا اظہار کرتےہوئے اس معاملے پر اہم سوالات اٹھادیئے ہیں۔
اینکر پرسن ملیحہ ہاشمی نے کہا ہے کہ دہشت گردوں کی اڈیالہ جیل تک پہنچنے کی جرات کیسے ہوئی؟ دہشت گردوں کا پورا نیٹ ورک بے نقاب کرکے سہولت کاروں سمیت گرفتار کیا جانا چاہئے۔
پاکستان تحریک انصاف کے رکن قومی اسمبلی جنید اکبر نے کہا کہ دہشت گرد افغانستان سےنقشہ لے کر اڈیالہ جیل پہنچ گئے جبکہ ایک پاکستانی پی ٹی آئی کا جھنڈالے کر گھر سے باہر نہیں نکل سکتا، ایسے کیوں؟
صحافی علی سلمان علوی نے کہا کہ ہائی پروفائل دہشت گردوں کو گرفتار کرنےکیلئے یہ پہلا اور آخری چھاپہ مارا گیا جسے باقاعدہ طو رپر فلمایا بھی گیا، ان کے ماتھے واشگاف اور جلی حروف میں لکھا ہوا ہے کہ ہم سے بڑاڈفر کوئی نہیں ہے۔
صحافی فرحان خان نے کہا کہ سوال یہ ہے کہ دہشت گرد افغانستان سےسرحد عبور کرکے اتنا طویل سفر طے کرکے راولپنڈی تک کیسے پہنچے؟
صحافی محمد عمیر نے اس خبر کو مشکوک قرار دیتےہوئے کہا کہ سی ٹی ڈی کبھی بھی گرفتا رملزمان کی ویڈیو یا تصاویر جاری نہیں کرتی،واقعہ کو 12 گھنٹے سے زائد وقت گزر چکا ہے مگر سی ٹی ڈی نے ابھی تک اس پر کوئی بیان جاری نہیں کیا، اتنی بڑی کارروائی پر سی ٹی ڈی کی خاموشی سمجھ سے بالاتر ہے۔
سوشل میڈیا صارف نے کہا کہ دہشت گرد اڈیالہ کا نقشہ اور ہینڈ گرنیڈ لے کر اڈیالہ جیل پہنچ گئے جبکہ ہمارا نامزد وزیراعلی پنجاب اسمبلی نہیں پہنچ سکتا۔
- Featured Thumbs
- https://www.siasat.pk/data/files/s3/adialah1h111.jpg
Last edited by a moderator:
