Muhammad Ikhlaq Siddiqui
Minister (2k+ posts)
اوپن سٹاک ہولم (#openstockholm)
خبر صرف یہ نہیں ہے کہ آج بروز سات اپریل دو ہزار سترہ سویڈن کے سب سے بڑے شہر سٹاک ہولم کے بیچ و بیچ کسی نامعلوم شخص نے ایک ٹرک کو عام شہریوں پر چڑھا دیا۔ خبر چار افراد کی موت اور آٹھ زخمیوں کی بھی نہیں ہے۔ خبر یہ ہے کہ ایسے وقت میں سٹاک ہولم کے شہریوں نے اوپن سٹاک ہولم ہیش ٹیگ کے ذریعے عجیب یکجہتی کا مظاہرہ کیا۔ جب تمام شہر لاک ڈاون کر دیا گیا۔ بس ٹرین ٹیکسی سب بند۔ ہزاروں لوگ سڑکوں پر پیدل اسکولوں دفتروں بازاروں سے اپنے گھروں جانے کے چل پڑے کہ کوئی اور چارہ نہیں۔ایسے میں دنیا نے دیکھا کہ اس شہر کے شہریوں نے ایک دوسرے کے لیے اپنے گھر کھول دیے۔ اوپن سٹاک ہولم مطلب لوگوں نے ایک دوسرے کے لیے اپنے گھر صوفے واش رومز چائے کافی پانی سب حاضر کر دیا کہ اپنے گھروں کو پیدل جاتے لوگ کچھ دیر کو رک کر واش روم استعمال کرنا چاہیں۔ چائے کافی پانی پینا چاہیں یا کچھ دیر کو سستانا۔ ویلکم ٹو اوپن سٹاک ہولم۔ کون سا مذہب کون سا رنگ کون سی نسل۔ سب خوش آمدید۔ شہر کا شہر بند ہے مگر ہر گھر کھلا ہے۔ اور ایسے میں کہ جب ابھی مشکوک شخص گرفتار بھی نہ ہوا ہو۔ کہیں آس پاس ہی ہو۔ یہ کون لوگ ہیں۔ کس مذہب سے ہیں۔ کیسی تعلم ہے۔ کیا تربیت ہے۔ جو بھی کمال ہے۔ سلام ہے۔ آفرین ہے۔ اور بھی شہروں میں ملکوں میں لوگ مرتے ہیں دہشت گردی ہوتی ہے خون بہتا ہے ظلم ہو رہا ہے مگر اوپن سٹاک ہولم نے انسانیت کو ایک نئی معراج بخشی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Last edited:
