ٹی ٹوینٹی ورلڈ کپ کے دوسرے سیمی فائنل میں بھارت کو انگلینڈ کے ہاتھوں عبرتناک شکست پر سوشل میڈیا صارفین دلچسپ وعجیب میمز بنا رہے ہیں۔
تفصیلات کے مطابق آسٹریلیا میں جاری ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے شکست دے دی، ایلکس ہیلز اور کپتان جوز بٹلر نے ایڈیلیڈ اوول کرکٹ گرائونڈ میں جارحانہ بلے بازی کے ساتھ سیمی فائنل بھارت سے چھین لیا۔
اتوار کو میلبرن کرکٹ گرائونڈ میں انگلینڈ فائنل میں پاکستان کے مدمقابل ہو گا، پاکستان نے پہلے سیمی فائنل میں نیوزی لینڈ کو سات وکٹوں سے شکست دی تھی۔ انگلینڈ 2010ءجبکہ پاکستان 2009ء میں ٹی ٹوینٹی ورلڈ کپ کا فاتح رہ چکا ہے۔ دوسرے سیمی فائنل میں بھارت کو انگلینڈ کے ہاتھوں عبرتناک شکست پر سوشل میڈیا صارفین دلچسپ وعجیب میمز بنا رہے ہیں۔
ایک سوشل میڈیا صارف فضل عباس نے ویرات کوہلی کی تصویر شیئر کرتے ہوئے اپنے ٹویٹر پیغام میں لکھا کہ: بھارت آپ میری کپتانی پر ہنستے تھے! میں اب بھی بادشاہ ہوں لیکن اب اپنی ٹیم کو دیکھو!جس پر ایک ٹویٹر صارف نے لکھا کہ ورلڈکپ 2021ء میں بابر اور رضوان جبکہ 2022ء میں بٹلر اور ہیلز نے بھارت کو شکست دیدی!
درش شاہ نامی صارف نے انگلش بلے بازوں کے ہاتھوں بھارت کی دھلائی پر لکھا کہ’آج انگلش اوپنر نے کچھ یوں کیا کہ ‘دھوتے جاؤ، دھوتے جاؤ!
انس کشمیری نامی صارف نے ایئرانڈیا پر بھارتی ٹیم کی تصویریں چسپاں کرتے ہوئے اپنے پیغام میں لکھا کہ: بھارت کو دہلی ایئرپورٹ کیلئے کوالیفائی کرنے پر مبارکباد!
ایک ٹویٹر صارف نسیم کھیڑا نے 4 اوور قبل ہی بھارتی شکست پر انگلش کرکٹ ٹیم کی تصویر شیئر کرتے ہوئے لکھا کہ: انگلینڈ کے نو کھلاڑی رو رہے ہیں کہتے ہیں انڈیا نے ہم سے فیلڈنگ کروائی لیکن ہمیں بیٹنگ نہیں کرنے دی!
ایک صارف عبدالجلال آزاد نے بھارتی ٹی وی کی پاکستان کرکٹ ٹیم کا مذاق اڑاتی ایک رپورٹ شیئر کرتے ہوئے اپنے پیغام میں لکھا کہ: انڈین میڈیا انڈیا، انگلینڈ سیمی فائنل سے پہلے پاکستان کے خلاف زہر اگلتے رہے! تکبر میں ڈوبے انڈین میڈیا اور ان کی ٹیم کو انگلینڈ نے گھر کا راستہ دکھا دیا۔
ایک صارف عائشہ علی بھٹہ نے بھارتی سٹینڈ اپ کامیڈین ابھیجیت گنگولی کی ویڈیو جس میں وہ پاکستان کرکٹ ٹیم کا مذاق اڑا رہے ہیں شیئر کرتے ہوئے اپنے پیغام میں لکھا کہ: ہاں بھئی ابھیجیت، ریٹرن ٹکٹ بک کروائے کہ نہیں؟ اور عمران خان ہمیشہ ٹھیک کہتا ہے "آپ نے گھبرانا نہیں ہے!
پاکستانی صحافی شاکر محمود اعوان نے اپنے ٹویٹر پیغام میں لکھا کہ: انڈیا پاکستان کو T20 سے باہر نکلوانا چاہتا تھا اور خود زلیل و رسوا ہو کر فائنل کی دوڑ سے باہر ہو رہا ہے، انگلینڈ نے تاریخی لاٹھی چارج کر دیا ہے!
رافع نامی سوشل میڈیا صارف نے بھارتی ٹیم کی گھر واپسی کیلئے دلچسپ میم کا انتخاب کیا! ایئر انڈیا کی ویلکم کرتی میزبانوں کی جہاز کے ہمراہ تصویر شیئر کی جس میں وہ کہہ رہی ہیں کہ ہم آپ کو گھر لے جانے کیلئے تیار ہیں!
ٹی ٹوئنٹی ورلڈکپ میں بھارت کو سیمی فائنل میں ہارتا دیکھ کر بھارتی ٹوئٹر صارفین نے بھی سوشل میڈیا پر اپنے غصے کا اظہار کیا: مجیتھا نامی سوشل میڈیا صارف نے عامر خان کی فلم لگان کا سین شیئر کیا جس میں چار افراد چھپ کر کرکٹ دیکھ رہے ہیں اور اپنے پیغام میں لکھا: "انگلینڈ اور بھارت کے مابین سیمی فائنل میچ میں وکٹ گرنے کے انتظار میں"
ایک اور ٹویٹر صارف مزمل نے بھارتی ٹی وی سٹوڈیو میں پریشان بیٹھے تبصرہ نگاروں کی تصویر شیئر کی اور پوچھا کہ ” اب ان کا کیا کرنا ہے؟”
- Featured Thumbs
- https://www.siasat.pk/data/files/s3/memens-1en.jpg
