پاکستان کے نوجوان کرکٹر امام الحق نے کپتان بابراعظم کی تصویر پر دلچسپ تبصرہ کرتے ہوئے انہیں انعام میں ملنے والی کار کے حوالے سے ردعمل بھی دیدیا ہے۔
تفصیلات کے مطابق قومی کرکٹ ٹیم کے کپتان بابراعظم نے اپنی ایک تازہ ترین تصویر سوشل میڈیا پر شیئر کی جس میں وہ ایک کارٹون کیریکٹر کا ماسک ہاتھ میں تھامے خوشگوار موڈ میں کوئی بات کرتے دکھائی دے رہے ہیں۔
ہر دلعزیز کپتان بابراعظم کی اس تصویر پر سوشل میڈیا صارفین کی جانب سے دلچسپ تبصروں کا سلسلہ شرو ع ہواتو اسی دوران بابراعظم کی قیادت میں کھیلنے والے امام الحق نے بھی لگے ہاتھوں اپنا کمنٹ پاس کردیا۔
امام الحق نے اپنی ٹویٹ میں بابراعظم کی تصویر پر صدقے واری جاتے ہوئے کہا کہ" صدقے، ویسے وہ کار کی چابی چھپا کررکھنا کہیں میرے ہاتھوں غائب نہ ہوجائے"۔
امام الحق نے جس کار کا ذکر کیا وہ درآصل آسٹریلیا کے خلاف ون ڈے سیریز میں مین آف دی ٹورنامنٹ قرار پانے پر بابراعظم کو انعام میں ملنے والی پرتعیش بی اے آئی سی کی جیپ تھی۔
بابر اعظم کو انعام میں ملنے والی یہ گاڑی آج ہی بابراعظم کی رہائش گاہ پر پہنچی ہے جس کی ایک مختصر سی ویڈیو بابراعظم کے بھائی سفیر اعظم نے انسٹاگرام سٹور ی پر شیئر بھی کی ہے۔
