موٹروے ایم ون پشاور اسلام آباد سیکشن پر حادثے کی شکار گاڑی سے بھاری مقدار میں منشیات برآمد ہوئی۔
موٹروے پولیس کے مطابق موٹروے ایم ون پشاور اسلام آباد سیکشن پر منشیات اسمگلرز کی گاڑی کو حادثہ پیش آیا تاہم ملزمان گاڑی چھوڑ کر فرار ہوگئے۔
پولیس کے مطابق حادثے کی اطلاع ملتے ہی موٹروے پولیس موقع پر پہنچی اور گاڑی کی تلاشی لی تو اس میں سے 66 کلوگرام منشیات برآمد ہوئی۔
ترجمان کے مطابق برآمد ہونے والی منشیات میں اعلیٰ کوالٹی کی 36 کلو گرام چرس اور 30 کلو گرام افیون شامل ہے۔
موٹروے پولیس نے منشیات اور گاڑی قبضے میں لے کر مقامی تھانہ اکبر پورہ کے حوالے کرکے ملزمان کی تلاش شروع کر دی ہے۔