
قومی اسمبلی کی فنانس کمیٹی نے اراکین پارلیمنٹ کی تنخواہ اور مراعات کو وفاقی سیکرٹری کے برابر کرنے کی منظوری دے دی ہے۔ اسپیکر قومی اسمبلی ایاز صادق کی سربراہی میں ہونے والی اجلاس میں کمیٹی نے ایم این ایز اور سینیٹرز کی تنخواہ اور مراعات میں اضافے کی متفقہ منظوری دی۔
ذرائع کے مطابق، ایم این اے اور سینیٹرز کی تنخواہ اور مراعات 5 لاکھ 19 ہزار روپے ماہانہ مقرر کرنے کی سفارش کی گئی ہے۔ اسپیکر ایاز صادق نے فنانس کمیٹی کی سفارشات وزیراعظم شہباز شریف کو بھجوا دی ہیں۔ تنخواہوں اور مراعات کے معاملے پر پیپلز پارٹی اور ن لیگ سمیت دیگر جماعتیں ہم آواز ہیں۔ ذرائع کے مطابق، پی ٹی آئی کے 67 اراکین نے بھی تنخواہوں میں اضافے کا تحریری مطالبہ کیا تھا۔
ذرائع نے بتایا کہ تمام کٹوتیوں کے بعد وفاقی سیکرٹری کی تنخواہ اور الاؤنسز 5 لاکھ 19 ہزار روپے ماہانہ ہیں۔ اراکین پارلیمنٹ کو سہولیات بھی وفاقی سیکرٹری کے مساوی حاصل ہوں گی۔ پارلیمانی ذرائع کے مطابق، اراکین پارلیمنٹ نے 10 لاکھ روپے ماہانہ تنخواہ کا مطالبہ کیا تھا، لیکن اسپیکر ایاز صادق نے اس تجویز کو مسترد کر دیا
- Featured Thumbs
- https://i.dawn.com/primary/2024/03/0411035793bf426.png