وفاقی وزیر خزانہ اسحاق ڈار نے آئی ایم ایف پروگرام کی بحالی کیلئے برطانوی سفیر کے بعد اب امریکی سفیر سے مدد کی درخواست کردی ہے۔
تفصیلات کے مطابق وفاقی وزیر خزانہ اسحاق ڈار نے پاکستان میں امریکی سفیر ڈونلڈ بلوم سے اسلام آباد میں ملاقات کی، اس دوران باہمی دلچسپی کے امور اور آئی ایم ایف پروگرام کی بحالی سے متعلق معاملات پر تبادلہ خیال کیا گیا، اس موقع پر وفاقی وزیر خزانہ نے امریکی سفیر سے آئی ایم ایف پروگرام کی بحالی کے حوالے سے کردار ادا کرنے کی درخواست کی۔
خیال رہے کہ عالمی مالیاتی ادارے آئی ایم ایف سے معاہدے سے متعلق بڑی بڑی بڑھکیں مانگنے والے وفاقی وزیر خزانہ اسحاق ڈار کی جانب سے اس سے قبل بھی معاہدے کیلئے غیر ملکی سفیروں سے مدد کی درخواستیں کی گئی ہیں۔
وزیرخزانہ نے چند روز قبل پاکستان میں برطانوی سفیر سے اس حوالے سے مدد کی درخواست کی تھی جس کے جواب میں برطانوی سفیر نے تعاون کی یقین دہانی کرواتے ہوئے کہا کہ وہ آئی ایم ایف سے پروگرام کی بحالی کیلئے بات چیت ضرور کریں گے۔
- Featured Thumbs
- https://www.siasat.pk/data/files/s3/9imfususuuk.jpg
