salaat ka matlab jo bhi ho is lafz ka matlab namaaz kisi soorat bhi ho hi nahin sakta quraani sayaaqo sabaaq main.
is ki wajah main ne kaafi tafseel ke saath bayaan ker di hui hai. zara socho khudaa kisi aisi baat ya kaam ko karne ka hukam insaanu ko kaise de sakta hai jis ki takmeel kisi tarah bhi mumkin hi na ho? kyun khudaa insaan ko kahe ga keh mujh se kuchh maango jab woh us ki maang hi poori na ker sake ga?
yahee asal farq hai deeno mazhab ke darmiyaan. mazhab her baat ko khudaa per daal deta hai ghalat tarah se jab keh deen her baat insaan per daal deta hai theek tarah se. misaal ke tor per insaan khudaa se kehta hai mujhe hidaayat de. to kia ye baaten kehne se insaan ko khudaa ki taraf se hidaayat mil jaati hai? is sawaal ka aap logoon ke paas kia jawaab hai?
yahee wajah hai lafze duaa ka matlab bhi log ghalat hi lete hen. firqun main to behs hi yahee hai keh khudaa se maangne se matlab kia hai? ye sab baaten tabhi samajh main aayen gi jab log un per quraan ke sayaaqo sabaaq main ghoro fikar karen ge haqaaiqe duniya ki roshni main. aise hi ghalat aqeede banaa lena islam ya islam per imaan nahin kehlaa sakta.
asal ya bunyaadi baat yahee hai keh her insaani zabaan main aik aik lafz ke kayee kayee maani hote hen. ye baat asal main baat ke sayaaqo sabaaq hi se maloom ho sakti hai keh kon se lafz ka kis lihaaz se kon saa maani drust ho sakta hai.
salaat ka matlab quraani context main namaaz kisi soosat bhi ho hi nahin sakta. agar salaat ka matlab namaaz ho hi nahin sakta to phir is lafz ke aur kia kia mataalib ho sakte hen? is lafz ke kayee mataalib ho sakte hen. khud quraan hi main her jaga lafze salaat ka matlab namaaz liya hi nahin jaa sakta. agar liya jaa sakta hai to bataa den? agar nahin liya jaa sakta to phir zahir hai lafze salaat ke deegar maani bhi ho sakte hen. ab sawaal peda hota hai woh maani kia kia ho sakte hen aur kyun? in sab baatun ka main ne tafseel ke saath jawaab diya huwa hai.
quraan main salaat ka aik matlab jamaaat liya jaa sakta hai yaani ummat. lihaaza jahaan jahaan quraan ne aqeemussalaah kahaa hai yani salaat qaaim karo wahaan us ka matalab yahee hai keh insaanu ki aik jamaat yani ummat khadi karo. yani insaanu ko aapas main bhai bhai banaao. jab insaan bhai bhai ban jaayen ge to bataao kia woh aik doosre ke saath ziyaadatiyan karen ge? ya woh is ke barax aik doosre ke liye madadgaar hun ge? issi liye salaat insaanu ko aik doosre ke saath buraiyun se rok sakti hai.
sown ke lafz ke bhi issi tarah kayee maani ho sakte hen. magar quraan ke context main is lafz ka aik maani ruk jaana bhi hai. matlab jab log aik jamaat ban jaayen to phir un ko aik doosre ke saath buraaiyun se rukna ho ga warna logoon ki aik jamaat ban hi nahin sakti jo aik doosre ke saath ghalat baaten ya kaam karen.
zakaat ke lafz ke bhi kayee maani ho sakte hen magar quraani context main is lafz ka aik maani kisi baat ya kaam ko bhadaana bhi hai. matlab ye keh jab log aik jamaat ban jaayen to phir na sirf un ko aik doosre ke saath ghalat kaamun se rukna ho ga balkeh aik doosre ki poori poori madad bhi kerni ho gi taa ke jamaat ke sab log hi taraqi karen aur yun ummat ki taaqat aur quwwat main izaafa ho.
yahee wajah hai azaan namaaaz ki taraf bulaawa nahin hai balkeh asal deene islam ki taraf dawate aam hai. asal deene islam kia hai? yahee keh log yakjaan ho ker insaaniyat ko aage le jaayen. yani aik behtareen insaani maashra tashkeel de ker apne insaan hone ka saboot den. socho aakhir khudaa ko insaanu ko hidaayat dene ki zaroorat hi kia thi? yahee keh khudaa apni khoobiyan zahir kerna chahta tha insaanu per. kia ye koi khoobi ki baat hai keh khudaa insaanu ko aazmaaye aur un ko bila wajah azaab main daale? mullaan logoon ki bakwaas yahee hai. khudaa ki takhleeq ka ye maqsad bilkul nahin hai aur na ho sakta hai. khudaa insaanu per zulmo ziyaadati se paak hai.
agar aap ke paas kuchh aqal hai to in baatun per thoda socho to aap ko khud hi maloom ho jaaye ga aap kitne bedhangi aqeede apnaaye huwe hen. For more detailed explanations s
ee HERE.