Bilal Raza
Prime Minister (20k+ posts)
- Featured Thumbs
- https://i.imgur.com/s2Kw8K4.jpg
Last edited:
کتنی عجیب بات ہے غیر مسلم نیوزی لینڈ کی خواتین نے مسلمانوں سے یکجہتی اور انکے مذھب کو احترام دیتے ہوۓ دوپٹے اوڑھے انکی وازیر عظم سے لیکر ٹی وی رپورٹر اور سرکاری ملازمین پولیس خواتین اور عام خواتین سب نے اسلام سے محبت دکھاتے ہوۓ دوپٹے اوڑھے لیکن پاکستان کی مسلمان رپورٹز کو ایک دن کیلئے دوپٹہ سر پر لینے کی توفیق نہ ہوئی
Insaniat jindabad .
سبحان اللہ۔۔ آپ نے بھی معاملے کو ایک تنگ نظر مسلمان کی نظر سے ہی دیکھا۔۔ آپ کو یہ کیوں نہیں محسوس ہوا کہ جیسا نیوزی لینڈ کے غیر مذہب اور غیر مسلم لوگ مسلمانوں کے ساتھ ظلم ہونے پر ان کے ساتھ اظہار یکجہتی کررہے ہیں، ویسے پاکستانی مسلمانوں نے کبھی اپنی اقلیتیوں کے ساتھ کیا؟ پاکستان میں سیالکوٹ میں خود مسلمانوں نے ہلہ بول کر احمدیوں کی مسجد پر حملہ کردیا، احمدیوں نے بھاگ کر جانیں بچائیں اور مسلمانوں نے ان کی مسجد کا پرزہ پرزہ کردیا۔ کچھ سال قبل لاہور میں احمدیوں پر حملہ ہوا اور 93 احمدی مارے گئے۔۔ کیا پاکستانیوں نے ان کے ساتھ کوئی اظہارِ یکجہتی کیا؟ ان کو تو پاکستان میں اذان پڑھنے کی، نماز پڑھنے کی اپنی مسجد بنانے کی اجازت تک نہیں۔
اور آپ دوپٹے کی بات کررہی ہیں، آپ خاتون ہوکر عورتوں کو دوپٹہ نہ لینے کا طعنہ ماررہی ہیں، کیا یہ عورت کا حق نہیں کہ وہ دوپٹا لے یا نہ لے؟ کیا اس پر کوئی پابندی ہے کہ لازمی اس نے دوپٹا لینا ہے، آپ خواتین خود اپنی آزادی اور حقوق کو سماج اور مردوں کے تسلط میں دیتی ہیں، آپ چونکہ پاکستان میں مقیم نہیں، اس لئے آپ کو ان مسائل سے واسطہ نہیں پڑتا، آپ مغربی ملک میں بیٹھ کر "کافروں" کی دی ہوئی آزادیوں کو انجوائے کررہی ہیں، کیا آپ کو یہ طرزعمل منافقانہ نہیں لگتا کہ خود تو آزاد سیکولر سماج چن لیا اور دوسروں کو اسلامی وعظ و تبلیغ کررہی ہیں؟
ارے بابا حوصلہ
میں کسی کو واعظ نہیں دے رہی نہ کسی کو کہہ رہی ہوں کے دوپٹہ کرے یا نہ کرے
میں ایک موقع کی بات کر رہی ہوں کے یہ موقع سولی ڈیرٹی دکھانے کا تھا بھلا پاکستانی
رپورٹر دوپٹہ سر پر نہ اوڑھتی لیکن صرف ایک دن کیلئے یکجہتی دکھا دیتیں جسطرح غیر
مسلم نیوزی لینڈ کی خواتین نے دکھایا
رہ گئی پاکستان میں اقلیتوں کو حقوق نہ دینے کی بات تو میں سمجھتی ہوں کے اس معاملے میں پاکستان کو ابھی بہت وقت لگے گا رواداری اور برداشت پیدا کرنے کیلئے اور اقلیتوں سے برے سلوک کے پیچھے بھی چند مٹھی بھر مولویوں کی آگ
اگلتی زبانیں ہیں لیکن میرے جسے کروڑوں پاکستانی اقلیتوں کے حقوق غصب کرنے کے حق میں نہیں قائد کا پاکستان سب کا پاکستان ہے لیکن یہ بات چند شر پسندوں کو سمجھ نہیں آتی
عینی صاحبہ۔۔ نیوزی لینڈ کی غیر مسلم خواتین نے سر پر اس لئے دوپٹا اوڑھا کیونکہ وہ غیر مسلم ہیں اور دوپٹا چونکہ وہاں مسلمانوں کی علامت سمجھتا جاتا ہے، اس لئے انہوں نے بطور غیر مسلم سر پر دوپٹا اوڑھ کر مسلمانوں سے اظہار یکجہتی کیا (ایک طرح سے ایک دن کیلئے خود کو مسلمان کمیونٹی میں شامل کیا)، اس کا یہ مطلب نہیں کہ نیوزی لینڈ کی ساری مسلمان خواتین دوپٹا اوڑھتی ہیں۔ وہ نیوزی لینڈ ہے کوئی افغانستان یا سعودی عرب نہیں۔ ۔یہی اصول پاکستانی مسلمان نیوز کاسٹرز یا فی میل اینکرز پر لاگو نہیں ہوتا، کیونکہ وہ تو پہلے سے ہی مسلمان ہیں، وہ تو اسی کمیونٹی کا حصہ ہیں، جن کے ساتھ ظلم ہوا، وہ کیوں دوپٹہ اوڑھیں؟
دوسری بات، میرا اصل نکتہ آپ نظر انداز کرگئیں، مسلمانوں کے ساتھ نیوزی لینڈ کے لوگ جس طرح اظہارِ یکجہتی کررہے ہیں، اس سے مسلمانوں کو جو چیز سیکھنے کی ضرورت ہے وہ ہے مذہبی ہم آہنگی، برداشت، رواداری۔ وہ دوپٹہ نہیں ہے۔ مسلمان صرف دوپٹے پر آکر اٹک جاتے ہیں، یہ نہیں دیکھتے کہ یہ ان غیر مسلموں کی رواداری ہے، مسلمان یہاں بھی اپنے دوپٹے، اپنے کلچر اور اپنی روایات کی بانگیں دینا شروع کردیتے ہیں۔ اگر پاکستان میں کوئی عیسائیوں کے ساتھ یکجہتی کیلئے میری کرسمس کہہ دے تو یہاں کے مسلمانوں کو آگ لگ جاتی ہے، ہندوؤں کے ساتھ دیوالی یا ہولی منانے والا تو کافر ہی ہوجاتا ہے، نواز شریف پر آج تک فتوے لگتے ہیں کہ اس نے ہندوؤں کے بھگوان اور مسلمانوں کے خدا کو ایک کہہ دیا تھا۔ یہ چیزیں ہیں جن سے مسلمانوں کو پیچھا چھڑانے کی ضرورت ہے، رواداری اور برداشت سیکھنے کی ضرورت ہے، نہ کہ دوپٹہ دوپٹہ کے نعرے بلند کرنے کی۔۔۔
آپکی بہت ساری باتیں درست ہیں اور ان سے ایگری کرتی ہوں لیکن آپ مجموعی طور پر مذہبی رواداری نہ ہونے پر ساری پاکستانی قوم کو الزام نہیں دے سکتے یہ جو مذہبی برداشت نہیں عرض کیا چند مٹھی بھر شرپسند ہیں جو بڑہکاتے ہیں اور دوسرے مذہب کیلئے رواداری نہیں رکھتے
جہاں تک نواز شریف کی مظلومیت کا تعلق ہے کے اس نے یہ کہا تو وہ کہا وہ تو اسکی سیاسی چمچہ گیری تھی وہ تو یہ بھی کہتا تھا پاکستان بنا کر ہندوستان کی تقسیم نہ ہوتی اسکا کاروبار جو وہاں ہے ، اس مکار کی باتوں پر مظلومیت نشتہ