Indian agencies misbehaved with guests at Pakistan day ceremony in Delhi

Kashif Rafiq

Chief Minister (5k+ posts)



بھارتی خفیہ ادارے کے اہلکاروں نے نئی دہلی میں پاکستانی ہائی کمیشن میں یوم پاکستان کی تقریب میں شرکت کرنے والے مہمانوں کے ساتھ بدتمیزی کی اور ہراساں کیا۔

یوم پاکستان پر ہمسایہ ملک بھارت کے دارالحکومت میں پاکستانی سفارتخانے میں تقریب کا اہتمام کیا گیا، ہائی کمشنر سہیل محمود نے قومی پرچم لہرایا ، قومی ترانہ پڑھا گیا اور کیک کاٹا گیا۔ تقریب میں مختلف ممالک کے سفیروں ، بھارتی کاروباری شخصیات اورحریت رہنماؤں نے شرکت کی، تاہم بھارتی حکومتی نمائندے تقریب میں شریک نہیں ہوئے۔

تقریب کے اختتام کے بعد ہائی کمیشن کے باہر بھارتی خفیہ اداروں کے سادہ لباس میں ملبوس اہلکاروں نے شرکاء کو ڈرایا دھمکایا۔ تقریب میں شریک بھارتی تاجروں سے پوچھ گچھ کے نام پر ہراساں کیا گیا، بھارتی ایجنسی کے اہلکاروں کے نامناسب رویے پر تاجروں نے احتجاج بھی کیا۔ پاکستانی ہائی کمشنر نے بھارت کے غیر سفارتی اقدام کی سخت الفاظ میں مذمت کرتے ہوئے بھارت کو اوچھی حرکات سے باز رہنے کی تنبیہ کی ہے۔

قبل ازیں یوم پاکستان کی تقریب سے خطاب کرتے ہوئے پاکستانی ہائی کمشنر نے بھارت پر واضح کیا کہ پاکستان کی امن کی خواہش کو کمزوری نہ سمجھا جائے۔ پاکستان خطے میں امن اور استحکام چاہتا ہے۔ دھونس اوردھمکیوں کا استعمال ماضی میں فائدہ مند ہوا ہے اورنہ ہی اب ہوگا۔ جموں و کشمیرسمیت تمام تنازعات کا منصفانہ حل مذاکرات ہیں۔


پاکستانی ہائی کمشنر سہیل محمود نے مزید کہا کہ باہمی کشیدگی کے خاتمے کے لئے بھارت نے پاکستان کی مخلصانہ کوششوں کا مثبت جواب نہیں دیا، بھارتی کمانڈر کی رہائی اور کرتارپور راہداری پر مذاکرات سے تناؤ میں کمی آئی ہے لیکن سرحدی کشیدگی کا خطرہ اب بھی موجود ہے۔


ہائی کمشنر سہیل محمود نے وزیراعظم عمران خان کی پہلی تقریر کا حوالہ دیتے ہوئے کہا کہ بھارت کے ایک قدم بڑھانے پر دو قدم آگے آنے کے وزیراعظم کے عزم کا بھارت نے مثبت جواب نہیں دیا۔ تاریخ گواہ ہے کہ پاکستان نے بھارت کے ساتھ ہمیشہ برابری اور احترام کے ساتھ پُر امن اور اچھے تعلقات کے عزم کا اظہار کیا ہے۔


https://www.express.pk/story/1603794/10/
 
Advertisement
Last edited by a moderator:

asifA1

Minister (2k+ posts)
This nationality is 4th to 5th class levels of international duniya tier levels, we should not even have embassy with this country at all, agree with above statement.
 

shaheenzafar

MPA (400+ posts)
بھارتی حکومت یہی کچھ کرسکتی ہے جنہوں نے 72 سال سے پاکستان کو تسلیم نہیں کیا وہ 70 سال پہلے بھی یہی کہتے تھے پاکستان کچھ ہی سالوں واپس ہندوستان میں شامل ہوجائے گا آج بھی بھارتی کا نظریہ یہی ہے کہ پاکستان پھر دوبارہ ہندوستان میں شامل ہوجائے گا لیکن پاکستان سلامت رہے گا۔ بھارت کو اب ہر محاذ پر ناکامی کے بعد بھی اپنی انتہاپسندی کم کرنے پر تیار نہیں ہے
 
Sponsored Link

Latest Blogs Featured Discussion