پشاور میں دہشت گردوں کے خلاف آپریشن 9 گھنٹے سے جاری، 5 دہشتگرد ہلاک
حیات آباد فیز 7 میں دہشت گردوں کے خلاف آپریشن کو 9 گھنٹے سے زائد گزر گئے ہیں تاہم اب تک مکان کو کلئیر نہیں کیا جاسکا۔
پشاور پولیس نے گزشتہ رات انٹیلی جنس اطلاعات کی بنیاد پر حیات آباد میں واقع 3 منزلہ مکان میں دہشتگردوں کی موجودگی کی اطلاع پر کارروائی کی تھی، آپریشن کے دوران مکان میں موجود دہشتگردوں کی جانب سے شدید مزاحمت کی گئی۔ فائرنگ کے تبادلے میں اب تک ایک پولیس اہلکار شہید جب کہ 5 دہشت گرد ہلاک ہوچکے ہیں۔ دہشت گردوں کے خلاف اس آپریشن میں پولیس کو سیکیورٹی فورسز کی مدد بھی حاصل ہے۔ عمارت کے نیچے کے دونوں حصے کلیئر کردیے گئے ہیں اور اوپر کے حصے میں دہشت گردوں کی مزاحمت جاری ہے۔
پولیس اور سیکیورٹی فورسز نے علاقے کو گھیرے میں لے رکھا ہے جب کہ ایس ایس پی آپریشن اور سی سی پی او پشاور بھی آپریشن زون میں موجود ہیں۔
وزیر اطلاعات خیبر پختون خوا شوکت یوسف زئی کا کہنا ہے کہ حیات آباد فیز 7 میں ایک مکان میں دہشت گردوں کی موجودگی کی اطلاع ملی، پولیس موقع پر پہنچی تو دہشت گردوں نے فائرنگ کردی، پولیس نے گھر کو گھیرے میں لے کر علاقے کا محاصرہ کرلیا، اطلاعات ہیں کہ 6 سے 7 دہشت گرد گھر میں موجود ہیں۔
وزیر اطلاعات نے بتایا کہ پولیس اور سیکیورٹی فورسز کا آپریشن تاحال جاری ہے، پولیس کے اور فورسز کے مکان میں داخل ہونے پر دوبارہ فائرنگ کی گئی اور 3 راکٹ لانچر فائر کیے گئے جواب میں پولیس نے آر پی جی سیون راکٹ لانچر بھی فائر کیا ہے۔
پشاور میں دہشت گردوں کے خلاف آپریشن15 گھنٹے سے جاری، 5 دہشتگرد ہلاک - ایکسپریس اردو
پولیس نے ایک مکان میں دہشت گردوں کی موجودگی کی اطلاع پر چھاپہ مارا تو مقابلہ شروع ہوگیا، وزیر اطلاعات شوکت یوسف زئی
www.express.pk
5 TTP terrorists have been killed in a 17 hours long operation conducted by Khyber Pakhtunkhwa Police with loss of one policeman martyred. Pakistani Commandos stormed the building in Phase 7, Hayatabad, Peshawar as terrorists used RPGs and deployed 45 Kg IED to the building.