Zulam ki inteha hae.... meri samajh mae nahi ata ke Hazara mae 8 ya 10 logon ki halakaton par asman sar par uthane walon ko begunah pakhtonon ka qatl-e aam kion nazar nahi araha????? Go ke mujhe hazara mae marne walon par bhi dili dukh hae aur esa nahi hona chahie tha par jahan on ke lie har dil mae tarap aur dard hae, wesa rozana senkron ki tadad mae marne wale pakhtonon ke lie kion nahi hae??? kia aap ye chahte haen ke Pakhtoon bhi uth kharen hon aur mulk ki amlaak ko jala kar nuqsan pohanchaen tab hi on ki shunwai hogi????? ya Pakhtoon bhi uth kar Pakistan se aledgi ka mutalba karen to tab logon ko hosh aega....
Kher ghalti Pakhtonon ki hi hae.... jab aaj rasam yahi tehri hae ke bijli ke bill aur loadshading par ehtijaj ke lie log qomi amlaak ko be daregh jala kar zaya kar dete haen... mulki wasaail ki eent se eent baja dete haen to phir to es hisab se Pakhtoonon bhi jab tak Pakistan ke wajood mae 8 magnitude ka zalzala nahi bharpa karengen to zar parast hukamranon aur madda parast siasat danon ki zindagi mae ertiaash peda nahi hoga....
Aaj mujhe apne pakhtoon aur pakistani hone par pata nahi kion afsos ho raha hae.... Es se pehle ke ham jese muhibb-e watan aur motadil mizaj pakistani bhi Pakistan se jan churane ki bat shuru karen to aap jese parhe likhe sache Pakistani bhaaion se guzarish hae ke en zakhmon par marham rakhie.... es se pehle ke der ho jae...
aur 70 begunah Pakistanion ki kimat 1 karor ruppe laga kar esa lag raha hae ke koi mera aur mere ham nasal bhaaion ka mazaq ura raha ho.... jese mere peron se wo zamin nikal gai ho jis pa ham shan se chalte thae ke mera pakistan hae ye tera pakistan hae... Es waaqe par independent commision bithana chaie aur zimme daron ko qanon ki zanjiron mae ghasitna chaie.... en fojion ki aqal ghaas charne gai thi ya en ki ankhon par $$$$s ki patti band gai thi ke en ko masom aur begunah bache aur aurten nazar nahi aaein?????
