کراچی: (دنیا نیوز) پیپلز پارٹی کے شریک چیئر مین اور سابق صدر آصف علی زرداری کی صاحبزادیوں آصفہ اور بختاور کا کہنا ہے کہ ہمارے والد کو آج نماز عید ادا کرنے کی اجازت نہیں دی گئی۔
ٹویٹر پر ٹویٹ کرتے ہوئے بختاور کا کہنا تھا کہ زرداری اس الزام کے تحت تحقیقات کا سامنا کررہے ہیں کہ جس کا ٹرائل تک شروع نہیں ہوا، یہ عمران خان کا مدینہ ہے کہ جہاں ایک مسلمان نماز کی ادائیگی کے حق سے محروم ہے، یہ عمران خان کا مدینہ ہے کہ جہاں ایک عورت کو رات 12 بجے ہسپتال کے بستر سے کھینچ کر جیل لے جایا جاتا ہے۔
آصفہ بھٹو کا کہنا تھا کہ جیل حکام نے فریال تالپور کی فیملی کو ان سے ملنے کی اجازت نہیں دی، آج عید کا دن ہے اور ہم ابھی تک فریال تالپور سے ملاقات نہیں کرپائے، عید کے موقع پر ہر قیدی کا حق ہوتا ہے کہ وہ اپنے اہل خانہ سے ملاقات کرے، عید کے موقع پر ملنے کی درخواست کو آج تیسرا دن ہے کہ وہ التواء کا شکار ہے۔
Source
