برسبین: گابا برسبین میں کھیلے جانے والے پہلے ٹیسٹ میچ میں آسٹریلوی ٹیم کے کپتان ٹم پین نے وکٹ کیپر محمد رضوان کو سرفراز احمد کا طعنہ دے دیا۔
تفصیلات کے مطابق برسبین ٹیسٹ میچ میں جب محمد رضوان بیٹنگ کے لیے آئے وکٹ کیپنگ کرنے والے آسٹریلوی کپتان نے محمد رضوان کو جملے کسنا شروع کردئیے جس کی ویڈیو وائرل ہوگئی۔
ویڈیو میں ٹم پین کو سرفراز احمد کی بیٹنگ کی صلاحیتوں کا تذکرہ کرکے محمد رضوان کو پریشان کرنے کی کوشش کرتے ہوئے سنا جاسکتا ہے۔
ویڈیو میں دیکھا جاسکتا ہے کہ محمد رضوان نے اسپنر نیتھن لائن کی گیند ان ہی کی جانب پش کیا جس پر ٹم پین نے کہا کہ ’سرفراز احمد ہوتا اس گیند پر سوئپ کرکے چوکا لگادیتا۔‘
ٹم پین نے یہی بس نہیں کیا اور کہا کہ ’اس کے پاس بہت بہت اچھی خوشبو آرہی ہے۔‘
واضح رہے کہ محمد رضوان 37 رنز پر تھرڈ امپائر کے متنازع فیصلے کا شکار ہوکر پویلین لوٹ گئے تھے، تھرڈ امپائر نے نوبال دینے کے بجائے رضوان کو آؤٹ قرار دے دیا تھا۔
یاد رہے کہ دونوں ٹیموں کے درمیان برسبین ٹیسٹ کے پہلے روز کا کھیل ختم ہوگیا ہے، گرین شرٹس 240 رنز بنا کر آل آؤٹ ہوگئے، اسد شفیق نے 76 رنز کی ذمہ دارنہ اننگز کھیلی۔
https://urdu.arynews.tv/paine-mocks-rizwan-with-sarfaraz-taunt/
