آسٹریلین کرکٹ ٹیم کے جارح مزاج اوپننگ بلے باز ڈیوڈ وارنر نے ایڈیلیڈ میں جاری ایشیز سیریز کے دوسرے ٹیسٹ پہلے روز اپنے نوجوان مداح کو اپنے گلوز دے کر اس کا دن بنا دیا۔
تفصیلات کے مطابق اوپننگ پارٹنر مارکس ہیرس کے جلد آؤٹ ہونے کے باوجود وارنر نے آسٹریلیا کو اچھا آغاز دیا، تاہم بائیں ہاتھ کے کھلاڑی انگلینڈ کے خلاف سنچری بنانے سے محروم رہے اور بین ا سٹوکس کے ہاتھوں آؤٹ ہو گئے۔
ڈیوڈ وارنر نے 167 گیندوں پر 95 رنز بنائے۔ انہیں 65ویں اوور میں بین اسٹوکس نے آؤٹ کیا۔ویڈیو میں ڈیوڈ وارنر کو آؤٹ ہونے پر مایوس دیکھا جاسکتا ہے۔
ڈریسنگ روم کی طرف اپنا راستہ بناتے ہوئے، بلے باز نے اپنے دستانے اسٹینڈ میں موجود ایک نوجوان بچے کو دیدئیے، جو کھلاڑی کی جانب سے دستانے دیئے جانے پہ بہت خوش ہوا۔
اس پوسٹ کو شائقین کی جانب سے بہت پذیرائی مل رہی ہے اور اسے وارنر کے اس عمل نے مداحوں کا دل جیت لیا۔
ایک صارف نے تبصرہ کیا، "لوگوں کو اس شخص کی مزید تعریف کرنے کی ضرورت ہے، یہ کیسا کھلاڑی ہے جس کو دیکھ کر ہم سب کو برسوں سے خوشی ہوئی
یہ اتنے ٹیسٹ میچوں میں دوسرا موقع تھا جب وارنر سنچری بنانے سے محروم رہے۔ پہلے ٹیسٹ میں آسٹریلیا کی پہلی اننگز کے دوران وارنر 176 گیندوں پر 94 رنز بنا کر آؤٹ ہوئے۔ دی گابا میں میزبان ٹیم نے میچ نو وکٹوں سے جیت لیا تھا۔
