چبھے جو کانٹا کابل میں
------------------------
مغربی استعمار بمع حواریوں کی طالبان کے ہاتھوں اپنی تاریخی ہزیمت کے بعد اب اپنے سب سے موثر اور آموزدہ ہتھیار، میڈیا پراپگینڈا کےساتھ مورچہ زن ہوگیا ہے- دورغ گوئی اور کذب بیانی کو نئی ایڑ لگا دی گئی ہے-واشنگٹن تک لندن ، ایڈنبرا تا دہلی جھوٹ ودشنام ترازی کا وہ بازار گرم ہے کہ شکست خوردہ غاصبین فاتح اور مظلوم مگر حُرِمیدان مفتوح دیکھائی دینے لگا ہے- بیس برس بلاناغہ آتش وآہن برسانے والے ہمدرد جبکہ اپنی مٹی کا دفاع کرنے والے بیرونی حملہ آور لگنے لگے ہیں- اس میدان میں استعماری اوجِ کمال پہ ہیں
افغان کہساروں کو "مدر آف آل بمز" سے ریزہ ریزہ کرنے اور ان کا تورہ بورا بنانے کے بعد استعماریوں کو انسانی حقوق کی یاد تڑپانے لگی ہے- لاکھوں افغان عورتوں وبچیوں کو بیوہ ویتیم کرنے کے بعد انہیں حقوقِ نسواں کی فکر ستانے لگی ہے- بدترین انسانی مظالم کی تاریخ رقم کرنے بعد استعماریوں کو کابل ائیرپورٹ پر بیٹھے ہوؤں کی فکر کھاۓ جا رہی ہے- جبکہ بےحسی کا پورا عالم شاہد ہوا جب اپنے ٹامیوں (کتوں) کو تو جہاز کی نشتسوں پر جبکہ افغان نوجوانوں کو پہیوں کے ساتھ لٹکا کر بلندی سے گرنے کے لیے چھوڑ دیا گیا
دھرتی کے محافظوں نے فتح پانے کے بعد عاجزی اختیار کی، عام معافی کا اعلان اور صلح جوئی کا پیغام دیا- محرم ایسے مقدس ماہ میں امن و آشتی اور بھائی چارے کو یقینی بنایا- استعماریوں وحواریوں کو یہ امن وخودمختاری ایک آنکھ نہیں بھا رہی، انگاروں پر لوٹتی استبدادی قوتیں اسی کوشش میں ہیں کہ وہ طالبان کو بہرصورت انسانیت دشمن، جابر، اور قبضہ گیر ثابت کریں- منفیت وتاریکی اس قدر پھیلائیں کہ ہاتھ کو ہاتھ سجائی نہ دے- اس ابلاغی لڑائی میں اس بات کا خاص اہتمام رکھا جا رہا ہے کہ وہ شریعی نظام کو فرسودہ اور اسلامی روایات کو جدید زمانے سے متصادم قرار دیں
مکروہ فریب کے یہ ایجاد کار بھلا کیوں یہ آفاقی اصول بھول جاتے ہیں کہ حق (سچ) کو باطل (جھوٹ) پر بالاخر غالب ہوکر رہنا ہے- استعماریوں کو یوں افغانوں کے غم میں گھلتے دیکھ کر بےاختیار شعر یاد آتا ہے
اخوت اس کو کہتے ہیں چبھے کانٹا جو کابل میں
تو واشنگٹن تا دہلی ہر چینل بےقرار ہو جاۓ
(شاعر سے معذرت کے ساتھ)
------------------------
مغربی استعمار بمع حواریوں کی طالبان کے ہاتھوں اپنی تاریخی ہزیمت کے بعد اب اپنے سب سے موثر اور آموزدہ ہتھیار، میڈیا پراپگینڈا کےساتھ مورچہ زن ہوگیا ہے- دورغ گوئی اور کذب بیانی کو نئی ایڑ لگا دی گئی ہے-واشنگٹن تک لندن ، ایڈنبرا تا دہلی جھوٹ ودشنام ترازی کا وہ بازار گرم ہے کہ شکست خوردہ غاصبین فاتح اور مظلوم مگر حُرِمیدان مفتوح دیکھائی دینے لگا ہے- بیس برس بلاناغہ آتش وآہن برسانے والے ہمدرد جبکہ اپنی مٹی کا دفاع کرنے والے بیرونی حملہ آور لگنے لگے ہیں- اس میدان میں استعماری اوجِ کمال پہ ہیں
افغان کہساروں کو "مدر آف آل بمز" سے ریزہ ریزہ کرنے اور ان کا تورہ بورا بنانے کے بعد استعماریوں کو انسانی حقوق کی یاد تڑپانے لگی ہے- لاکھوں افغان عورتوں وبچیوں کو بیوہ ویتیم کرنے کے بعد انہیں حقوقِ نسواں کی فکر ستانے لگی ہے- بدترین انسانی مظالم کی تاریخ رقم کرنے بعد استعماریوں کو کابل ائیرپورٹ پر بیٹھے ہوؤں کی فکر کھاۓ جا رہی ہے- جبکہ بےحسی کا پورا عالم شاہد ہوا جب اپنے ٹامیوں (کتوں) کو تو جہاز کی نشتسوں پر جبکہ افغان نوجوانوں کو پہیوں کے ساتھ لٹکا کر بلندی سے گرنے کے لیے چھوڑ دیا گیا
دھرتی کے محافظوں نے فتح پانے کے بعد عاجزی اختیار کی، عام معافی کا اعلان اور صلح جوئی کا پیغام دیا- محرم ایسے مقدس ماہ میں امن و آشتی اور بھائی چارے کو یقینی بنایا- استعماریوں وحواریوں کو یہ امن وخودمختاری ایک آنکھ نہیں بھا رہی، انگاروں پر لوٹتی استبدادی قوتیں اسی کوشش میں ہیں کہ وہ طالبان کو بہرصورت انسانیت دشمن، جابر، اور قبضہ گیر ثابت کریں- منفیت وتاریکی اس قدر پھیلائیں کہ ہاتھ کو ہاتھ سجائی نہ دے- اس ابلاغی لڑائی میں اس بات کا خاص اہتمام رکھا جا رہا ہے کہ وہ شریعی نظام کو فرسودہ اور اسلامی روایات کو جدید زمانے سے متصادم قرار دیں
مکروہ فریب کے یہ ایجاد کار بھلا کیوں یہ آفاقی اصول بھول جاتے ہیں کہ حق (سچ) کو باطل (جھوٹ) پر بالاخر غالب ہوکر رہنا ہے- استعماریوں کو یوں افغانوں کے غم میں گھلتے دیکھ کر بےاختیار شعر یاد آتا ہے
اخوت اس کو کہتے ہیں چبھے کانٹا جو کابل میں
تو واشنگٹن تا دہلی ہر چینل بےقرار ہو جاۓ
(شاعر سے معذرت کے ساتھ)
