ایشیا کپ سپرفور مرحلے کے پاکستان بمقابلہ سری لنکا میچ میں پاکستان کرکٹ ٹیم کے کپتان بابر اعظم کے رضوان احمد کے ریویو لینے کے فیصلے پر ردعمل کی ویڈیو سماجی رابطوں کی ویب سائٹس پر وائرل ہو گئی ہیں۔
تفصیلات کے مطابق ایشیا کپ سپرفور مرحلے کے پاکستان بمقابلہ سری لنکا میچ میں پاکستان کھلاڑی رضوان احمد نے پاکستان کرکٹ ٹیم کے کپتان بابر اعظم سے پوچھے بغیر تھرڈ امپائر سے ریویو لیا جس کے بعد رضوان احمد کے ریویو لینے کے فیصلے پر بابر اعظم کے ردعمل کی ویڈیو سماجی رابطوں کی ویب سائٹس پر وائرل ہو گئی ہے اور سوشل میڈیا صارفین کے دلچسپ تبصرے سامنے آ رہے ہیں۔
ایک صارف نے رضوان احمد کے تھرڈ امپائر سے ریویو لینے کے بعد پاکستانی کرکٹ ٹیم کے کپتان بابراعظم کے ردعمل کی ویڈیو سماجی رابطوں کی ویب سائٹ ٹویٹر پر شیئر کرتے ہوئے اپنے پیغام میں لکھا کہ: ’ابے کپتان میں ہوں مجھ سے تو پوچھو‘
ایک ٹویٹر صارف نے ردعمل میں بھارتی اداکار پریش راول کی تصویر شیئر کرتے ہوئے ان کی فلم انداز اپنا اپنا کا ڈائیلاگ لکھا کہ: تیجا میں ہوں، مارک ادھر ہے۔
ایک اور ٹویٹر صارف نے ویڈیو پر مزاحیہ تبصرہ کرتے ہوئے اپنے پیغام میں لکھا کہ: بابر اعظم کے والد نے کہا تھا کہ رضوان اور بابر ایک ہی ہیں! رضوان احمد کی جانب سے لیے گئے ریویو پر سری لنکن کھلاڑی ناٹ آئوٹ قرار پائے تھے۔
یاد رہے کہ پاکستان اور سری لنکا کے درمیان ایشیا کپ کا فائنل 11 ستمبر بروز اتوار کھیلا جا رہا ہے۔ ایشیا کپ سپر فور مرحلے کے آخری میچ میں سری لنکا نے پاکستان کی طرف سے دیا گیا 122 رنز کا آسان ہدف 17 اوورز میں حاصل کرتے ہوئے پاکستان کو پانچ وکٹوں سے شکست دے دی ہے۔
