پولیس رویے کا موازنہ
----------------------
امریکی ریاست میناپولس میں افریقی النسل شہری، جارج فلائڈ، کی پولیس حراست میں موت سے امریکہ ہنگاموں کی زد میں ہے- پولیس رویے کے خلاف مظاہرے تاحال جاری ہیں جن میں ہررنگ ونسل کے لوگ شریک ہیں- لوٹ مار کے واقعات کی بھی اطلاعات ہیں جنھیں بنیاد بنا کر 40 بڑے شہروں میں کرفیو نافذ کیا گیا ہے- اب دیکھیے یہ احتجاج کیا رنگ لاتا ہے
اس واقعے کے ردعمل میں برپا احتجاجی لہر کا موازنہ پاکستان میں پولیس بربریت کے خلاف عوامی سردمہری سے کیا جا رہا ہے- بحث کا مرکزی خیال یہ ہےکہ پاکستان میں پولیس مظالم پر عوام کیوں نہیں اٹھ کھڑی ہوتی
پولیس کے ماوراۓ قانون اقدامات پر عوام کا احتجاج کرنا فرض ہے اور ذمہ داری بھی - مگر یہاں ہر دو واقعات اور وجوہات کی نوعیت مختلف ہے جیسے سمجھنے سے یہ زہنی گھتی سلجھ سکتی ہے
وجوہات دو ہیں
اول، امریکی سماج میں نسلی امتیاز بدرجہ اتم موجود ہے- اگرچہ بیسویں صدی میں مارٹن لوتھر کنگ کی تحریک اور کچھ عالمی سطح پر ہمہ جہت تبدیلیوں کے نتیجے میں اس میں قدرےکمی آئی ہے مگر ابھی بھی ناسور کی مکمل بیخ کنی نہیں ہوئی- قومی، لسانی یا قبائلی تعصب ہر معاشرے میں پایا جاتا ہے، کہیں کم تو کہیں زیادہ! کسی حد تک یہ سماج کی تقسیم نہیں بلکہ انفرادیت کا باعث بھی بنتا ہے بشرطیکہ اس کا سیاسی یا گروہی مفادات کے لیے استحصال نہ کیا جاۓ- وگرنہ یہی وصف نفرت وتفاوت کا زریعہ بن جاتا ہے
جب 2008ء میں اوباما برسراقتدار آیا تو یہ تصور کیا گیا کہ نسلی امتیاز کی دیوار گرچکی اور امریکہ ایک نئے دور میں داخل ہوا چاہتا ہے- مگر پھر یہ خام خیالی ثابت ہوئی - شومئی قسمت سے اگلی حکومت ایک نسل پرست شخص کی بنی جس نے نسلی تعصب کی بجھی راکھ میں مذہبی رجعت پسندی اور عصبیت کی چنگاری سلگا دی- قرآئن و شواہد راوی ہیں کہ جب جب حکمران متعصب اور فاشسٹ واقع ہوۓ ہیں، تب تب ریاستی اداروں اور افراد کے رویوں میں جانبداری اور ناانصافی در آئی ہے
واقعے کے مابعد حالات پر صدر ٹرمپ کے بیانات اور اقدامات تیل پر جلتی کا کام کر رہے ہیں- اس کٹھن وقت میں قوم کو متحد کرنے اور مسئلے کا پائیدار اور پرامن حل تلاش کرنے کے، وہ مظاہرین پر طاقت آزمانے کا خواہشمند ہے- ایسے کج فہم وغیر سیاسی شخص کو بالکل بھی ادراک نہیں کہ اس کا عہدہ بے معنی اور ریاستی رٹ ختم ہوچکی ہے- کرفیو نافذ ہے، نیم فوجی دستے گشت پر ہیں مگر پھر بھی مظاہرین ڈٹے ہوۓ ہیں- درحقیقت ایسے لوگ مسئلہ کا حل نہیں بلکہ خود مسئلہ کا حصہ ہوتے ہیں
دوم، پولیس حراست میں امریکی شہریوں کے قتل ہونے کی دوسری وجہ امریکی آئین کی ترمیمی شق دوم ہے جس کی رو سے ہر امریکی کو مہلک ہتھیار رکھنے کی اجازت ہے- پولیس کو اختیار ہے کہ اگر وہ محسوس کرے کہ ملزم ہتھیار استعمال کرنے کا مخفی اشارہ بھی دے تو اسے بے دریغ موت کے گھاٹ اتار دیا جاۓ- یہاں بھی پولیس افریقی النسل امریکی شہریوں سے امتیاز برتتی ہے اور ان کی جان لیتے ہوۓ کسی ہچکچاہٹ کا مظاہرہ نہیں کرتی
نسل پرست حکمران اور مہلک ہتھیار رکھنے کی بلاضرورت اجازت امریکی سماج میں بالعموم اور سیاہ فام شہریوں کی بالخصوص اموات کی وجوہات ہیں
پاکستان میں پولیس رویے کی وجوہات اس کے برعکس ہیں- یہاں حکمران متعصب ہیں اور نہ ہی اسلحہ کی دستیابی بلکہ یہاں پولیس کو اشرافیہ اور طبقہ امراء کی رکھیل ہونا سمجھا جاتا ہے- اگر آپ اقتدار میں ہیں یا پھر دولتمند تو پولیس ریشم کی طرح نرم، اور اگر غریب لاوارث ہیں تو یہی پولیس قہرخداوندی بن کرٹوٹ پڑتی ہے ( چند دن قبل بیتنے والے قومی ٹھیکدار سے منسلک واقعے کی یاد کو تازہ کیجیے- فریقین میں مک مکا ہوکر تصفیہ ہوچکا، پولیس سمیت ہر فریق نے حصہ بٹور لیا- رہا ملکی قانون تو وہ ٹھیکدار کی جوتی کی میل تھا، پیسوں کی ٹاکی نے میل اتار دی
سوال یہ ہے کہ امریکی عوام کی طرح پاکستان میں پولیس بربریت کے خلاف احتجاج کیوں نہیں ہوتا
جواب حاضر ہے
گزشتہ حکومت میں جب ماڈل ٹاؤن کا واقعہ ہوا تو عوام نے ووٹ دیتے وقت اپنی ترجیحات میں یہ بات بھی شامل کرلی کہ حکمران پولیس اصلاحات متعارف کروائیں گے تاکہ ماوراۓ قانون رویے کی حوصلہ شکنی ہو
عوام کو کیا خبرتھی کہ جملے بازوں کی حکومت آۓ گی اور فقط وعدوں اور دعوؤں سے دل پشوری کرے گی- سانحہ ساہیوال ہوا اور پھر چل سوچل، اقتداری رت بدلی مگر اہل اقتدار کی ادائیں وہی رہیں- تقدیر کو کوسنے کے سوا کیا بھی کیا جاسکتا ہے
----------------------
امریکی ریاست میناپولس میں افریقی النسل شہری، جارج فلائڈ، کی پولیس حراست میں موت سے امریکہ ہنگاموں کی زد میں ہے- پولیس رویے کے خلاف مظاہرے تاحال جاری ہیں جن میں ہررنگ ونسل کے لوگ شریک ہیں- لوٹ مار کے واقعات کی بھی اطلاعات ہیں جنھیں بنیاد بنا کر 40 بڑے شہروں میں کرفیو نافذ کیا گیا ہے- اب دیکھیے یہ احتجاج کیا رنگ لاتا ہے
اس واقعے کے ردعمل میں برپا احتجاجی لہر کا موازنہ پاکستان میں پولیس بربریت کے خلاف عوامی سردمہری سے کیا جا رہا ہے- بحث کا مرکزی خیال یہ ہےکہ پاکستان میں پولیس مظالم پر عوام کیوں نہیں اٹھ کھڑی ہوتی
پولیس کے ماوراۓ قانون اقدامات پر عوام کا احتجاج کرنا فرض ہے اور ذمہ داری بھی - مگر یہاں ہر دو واقعات اور وجوہات کی نوعیت مختلف ہے جیسے سمجھنے سے یہ زہنی گھتی سلجھ سکتی ہے
وجوہات دو ہیں
اول، امریکی سماج میں نسلی امتیاز بدرجہ اتم موجود ہے- اگرچہ بیسویں صدی میں مارٹن لوتھر کنگ کی تحریک اور کچھ عالمی سطح پر ہمہ جہت تبدیلیوں کے نتیجے میں اس میں قدرےکمی آئی ہے مگر ابھی بھی ناسور کی مکمل بیخ کنی نہیں ہوئی- قومی، لسانی یا قبائلی تعصب ہر معاشرے میں پایا جاتا ہے، کہیں کم تو کہیں زیادہ! کسی حد تک یہ سماج کی تقسیم نہیں بلکہ انفرادیت کا باعث بھی بنتا ہے بشرطیکہ اس کا سیاسی یا گروہی مفادات کے لیے استحصال نہ کیا جاۓ- وگرنہ یہی وصف نفرت وتفاوت کا زریعہ بن جاتا ہے
جب 2008ء میں اوباما برسراقتدار آیا تو یہ تصور کیا گیا کہ نسلی امتیاز کی دیوار گرچکی اور امریکہ ایک نئے دور میں داخل ہوا چاہتا ہے- مگر پھر یہ خام خیالی ثابت ہوئی - شومئی قسمت سے اگلی حکومت ایک نسل پرست شخص کی بنی جس نے نسلی تعصب کی بجھی راکھ میں مذہبی رجعت پسندی اور عصبیت کی چنگاری سلگا دی- قرآئن و شواہد راوی ہیں کہ جب جب حکمران متعصب اور فاشسٹ واقع ہوۓ ہیں، تب تب ریاستی اداروں اور افراد کے رویوں میں جانبداری اور ناانصافی در آئی ہے
واقعے کے مابعد حالات پر صدر ٹرمپ کے بیانات اور اقدامات تیل پر جلتی کا کام کر رہے ہیں- اس کٹھن وقت میں قوم کو متحد کرنے اور مسئلے کا پائیدار اور پرامن حل تلاش کرنے کے، وہ مظاہرین پر طاقت آزمانے کا خواہشمند ہے- ایسے کج فہم وغیر سیاسی شخص کو بالکل بھی ادراک نہیں کہ اس کا عہدہ بے معنی اور ریاستی رٹ ختم ہوچکی ہے- کرفیو نافذ ہے، نیم فوجی دستے گشت پر ہیں مگر پھر بھی مظاہرین ڈٹے ہوۓ ہیں- درحقیقت ایسے لوگ مسئلہ کا حل نہیں بلکہ خود مسئلہ کا حصہ ہوتے ہیں
دوم، پولیس حراست میں امریکی شہریوں کے قتل ہونے کی دوسری وجہ امریکی آئین کی ترمیمی شق دوم ہے جس کی رو سے ہر امریکی کو مہلک ہتھیار رکھنے کی اجازت ہے- پولیس کو اختیار ہے کہ اگر وہ محسوس کرے کہ ملزم ہتھیار استعمال کرنے کا مخفی اشارہ بھی دے تو اسے بے دریغ موت کے گھاٹ اتار دیا جاۓ- یہاں بھی پولیس افریقی النسل امریکی شہریوں سے امتیاز برتتی ہے اور ان کی جان لیتے ہوۓ کسی ہچکچاہٹ کا مظاہرہ نہیں کرتی
نسل پرست حکمران اور مہلک ہتھیار رکھنے کی بلاضرورت اجازت امریکی سماج میں بالعموم اور سیاہ فام شہریوں کی بالخصوص اموات کی وجوہات ہیں
پاکستان میں پولیس رویے کی وجوہات اس کے برعکس ہیں- یہاں حکمران متعصب ہیں اور نہ ہی اسلحہ کی دستیابی بلکہ یہاں پولیس کو اشرافیہ اور طبقہ امراء کی رکھیل ہونا سمجھا جاتا ہے- اگر آپ اقتدار میں ہیں یا پھر دولتمند تو پولیس ریشم کی طرح نرم، اور اگر غریب لاوارث ہیں تو یہی پولیس قہرخداوندی بن کرٹوٹ پڑتی ہے ( چند دن قبل بیتنے والے قومی ٹھیکدار سے منسلک واقعے کی یاد کو تازہ کیجیے- فریقین میں مک مکا ہوکر تصفیہ ہوچکا، پولیس سمیت ہر فریق نے حصہ بٹور لیا- رہا ملکی قانون تو وہ ٹھیکدار کی جوتی کی میل تھا، پیسوں کی ٹاکی نے میل اتار دی
سوال یہ ہے کہ امریکی عوام کی طرح پاکستان میں پولیس بربریت کے خلاف احتجاج کیوں نہیں ہوتا
جواب حاضر ہے
گزشتہ حکومت میں جب ماڈل ٹاؤن کا واقعہ ہوا تو عوام نے ووٹ دیتے وقت اپنی ترجیحات میں یہ بات بھی شامل کرلی کہ حکمران پولیس اصلاحات متعارف کروائیں گے تاکہ ماوراۓ قانون رویے کی حوصلہ شکنی ہو
عوام کو کیا خبرتھی کہ جملے بازوں کی حکومت آۓ گی اور فقط وعدوں اور دعوؤں سے دل پشوری کرے گی- سانحہ ساہیوال ہوا اور پھر چل سوچل، اقتداری رت بدلی مگر اہل اقتدار کی ادائیں وہی رہیں- تقدیر کو کوسنے کے سوا کیا بھی کیا جاسکتا ہے
