وزیر خزانہ ہے کہ آپا جی کا ذاتی ملازم؟ علی زیدی کا مفتاح اسماعیل پر طنز

marym-and-mifta-zaidi.jpg


حکومت کی جانب سے امپورٹڈ اشیا پر پابندی کے فیصلے کا نفاذ ہونے کے بعد کسٹمز حکام نے بیرون ملک سے آنے والے تمام مسافروں سے امپورٹڈ اشیا ضبط کرنا شروع کر دی تھیں جس پر صحافی عبدالمعز جعفری نے کہا کہ ان کا منصوبہ ہے کہ ن لیگ اگلا الیکشن جیت نہ سکے۔

صحافی کی جانب سے کیے گئے ٹوئٹ میں کہا گیا کہ بیرون ملک سے آنے یا جانے والے لوگوں سے کھانے پینے کی بھی امپورٹڈ اشیا ضبط کی جا رہی ہیں جس کا مطلب ہے کہ ن لیگ اگلے الیکشن میں ایک بھی ووٹ نہیں لے سکے گی۔

ان کی جانب سے یہ معاملہ اٹھائے جانے پر مریم نواز نے ایکشن لیا اور وزیر خزانہ نے اس پر غور کرنے کی ہدایت کی جس پر مفتاح اسماعیل نے انتہائی مؤدبانہ انداز میں کہا کہ جی میں بالکل ضرور اس پر کچھ کرتا ہوں۔

https://twitter.com/x/status/1529844644049207296
معاملے پر تنقید کرتے ہوئے سابق وفاقی وزیر برائے بحری امور علی زیدی نے طنز کیا اور مفتاح اسماعیل کے انتہائی باادب رویہ اپنانے پر کہا کہ "یہ کیا ہو رہا ہے بھائی یہ وزیر خزانہ ہےکہ آپا جی کا ذاتی ملازم؟ یہ صرف امریکا کے غلام نہیں پورے شریف خاندان کے نوکر ہیں"۔