سینئر تجزیہ کار عارف حمید بھٹی نے دعویٰ کیا ہے کہ سابق وزیراعظم نوا زشریف نا صرف واپس آئیں گے بلکہ ان کے کیسز بھی ختم ہوجائیں گے۔
جی این این کے پروگرام خبر ہے میں گفتگو کرتے ہوئے عار ف حمید بھٹی نے دعویٰ کیا کہ ایک طرف تو ان کے ووٹ کو عزت دو کے بیانیہ کی تدفین ہوگئی ہے اور اس کے بدلے نواز شریف نے وطن واپسی اور اپنے کیسز کے خاتمے کی قیمت وصول کی ہے۔
انہوں نے مزید کہا کہ اس ملک میں یہ بیانیہ ہے کہ میرا ڈاکا معاف کردو، میرے لوٹے ہوئے پیسے اور کیسز کو معاف کردوبس۔
پروگرام میں شریک تجزیہ کار طاہر ملک نے سوال کیا کہ جنہوں نے نوا زشریف کو باہر بھیجا تھا وہ انہیں واپس آنے دیں گے؟
عارف حمید بھٹی نے جواب دیتے ہوئے کہا کہ اگر وہ نہ چاہتے تو نواز شریف کی جرات نہیں تھی یہ بیان دینے کی،کیونکہ نوا زشریف کی پوری جدوجہد ہی پرویز مشرف کے خلاف تھی۔
انہوں نے کہا کہ انہوں نےلوگوں سے وعدے لیے کہ میرے ساتھ جیو گے ، میرے ساتھ مروگے، میں کسی آمر کی ڈکٹیشن نہیں لوں گا، آج پرویز مشرف سے متعلق بیان دیکھ کر میری آنکھوں میں آنسو آگئے مجھے یقین نہیں آیا کہ یہ سچا بیان ہے، میں اسے فیک سمجھا تھا۔