نجی ٹی وی کے پروگرام میں شعیب اختر کا کہنا ہے کہ میں نے ڈاکٹر نعمان نیاز کو اسی دن معاف کردیا تھاجس دن اس نے بدتمیزی کی تھی۔ میں نے کہا کہ میں اس سے آگے نہیں جاسکتا، اب جو عوام فیصلہ کرتی ہے جو اس نے بھگتنا ہے، بھگتے۔
اینکر کے سوال کہ اگر پی ٹی وی انہیں واپس رکھے تو آپکو کوئی اعتراض نہیں؟ جس پر شعیب اختر نے جواب دیا کہ میرا اس سے کیا تعلق واسطہ؟ میں کسی کا رزق چھیننے تھوڑی آیا ہوں۔
شعیب اختر کا مزید کہنا تھا کہ مجھے انکوائری نے بلایا ، میں نے کہا کہ ٹی وی فوٹیج ہے، دیکھنا ہے تو دیکھ لو، میں نہیں آؤں گا۔
راولپنڈی ایکسپریس کا کہنا تھا کہ کل کو یہ بابراعظم کے ساتھ نہ ہو، شاہین شاہ آفریدی کیساتھ ایسا نہ ہو، کل کو کوئی اینکر انہیں یہ نہ کہہ دے کہ چپ کرو یہاں پہ۔۔ بابراعظم میرا برانڈ ہے، شاہین شاہ آفریدی میرا برانڈ ہے، پی ٹی وی سپورٹس میرا برانڈ ہے۔میں نہ پی ٹی وی سپورٹس کو، نہ بابراعظم کو، نہ شاہین آفریدی کو خراب ہوتے دیکھ سکتا ہوں۔
دوسری جانب پاکستان کے سابق فاسٹ بالر شعیب اختر نے سرکاری ٹی وی کے شو میں میزبان نعمان نیاز کے ساتھ تنازعہ کے حوالے سے ایک ویڈیو پیغام میں کہا ہے کہ میرے دل میں کسی کیلئے کوئی نفرت نہیں۔ میں نے معاملے کو کور اپ کرنے کی کوشش کی اور ایک گھنٹہ دیا لیکن اس نے (نعمان نیاز)معافی نہیں مانگی۔
شیعب اختر کی جانب سے شئیر کی گئی ویڈیو میں انہوں نے کہا ہے کہ میرے ساتھ پہلے بھی کئی دفعہ بدتمیزی کی سینئر کھلاڑیوں نے لیکن میں نے کبھی ری ایکشن نہیں دیا۔میرے دل میں کسی کیلئے کوئی نفرت نہیں۔
