معروف آسٹریلین کرکٹر شین وارن تھائی لینڈ میں دل کا دورہ پڑنے سے جان کی بازی ہار گئے۔
شین وارن فوکس نیوز کے مطابق تھائی لینڈ میں موجود تھے جہاں ان کو دل کا دورہ پڑا اور وہ چل بسے۔ شین وارن کی عمر 52 برس تھی وہ 1969 میں آسٹریلیا میں پیدا ہوئے تھے۔
شین وارن نے چند گھنٹے پہلے اپنے آخری ٹویٹ میں آسٹریلین کرکٹر روڈ مارش کی موت پر اظہار افسوس کیا تھا۔
شین وارن نے 339 بین الاقوامی میچز میں آسٹریلیا کی نمائندگی کر رکھی ہے۔ شین وارن کی وفات پر معروف شخصیات کی جانب سے اظہار افسوس کا سلسلہ جاری ہے۔
