بھارت کا ٹی ٹوئنٹی سیمی فائنل کا سفر اب بھی کٹھن ہے، لیکن اگر بھارتی قومی ٹیم وزیر اطلاعات فواد چوہدری کے بتائے ہوئے نسخے پر عمل کریں تو منزل آسان ہوجائے گی، جی ہاں فواد چوہدری نے بھارت کو زبردست تنقیدی مشورہ دے ڈالا ہے۔
وفاقی وزیر کا کہنا ہے کہ بھارتی کرکٹ ٹیم اب بھی سیمی فائنل میں پہنچ سکتی ہے اگروہ جعلی میلز بھیج دیں، اگر نیوزی لینڈ کی ٹیم سیکیورٹی کی و جہ سے عرب امارات کو چھوڑ کرچلی جائے۔
آئی سی سی مینز ٹی ٹوئنٹی ورلڈ کپ سے پہلے پاکستان کے دورے پر آئی نیوزی لینڈ کی ٹیم کرکٹ سیریز منسوخ کر کے واپس لوٹ گئی تھی،کیوی ٹیم نے سیکیورٹی کا بہانہ بنایا تھا، وزیر اطلاعات فواد چوہدری نے انکشاف کیا تھا کہ نیوزی لینڈ کے دورہ پاکستان منسوخ کرنے کے پیچھےبھارت ملوث تھا۔
فواد چوہدری نے بتایا کہ بھارت میں جعلی اکاونٹ بنائے گئے۔ احسان اللہ احسان کے نام سے جعلی فیس بک اکاونٹ بنا۔نیوزی لینڈ ٹیم کو بھارت سے دھمکیاں دیں گئیں،ٹی ٹوئنٹی ورلڈ کپ میں پاکستان اور نیوزی لینڈ سے شکست کے بعد بھارت کی سیمی فائنل تک رسائی فی الحال مشکل ہے،افغانستان کو شکست کے بعد ابھی بھارت کا ٹاکرا نیوزی لینڈ سے ہونا ہے۔
ٹی ٹوئنٹی ورلڈ کے معرکے جاری ہیں،آج دو میچز کھیلے جائیں گے،تین بجے دبئی میں آسٹریلیا اور بنگلادیش کی ٹیمیں مدمقابل ہوں گی،سات بجے ابوظبی میں سری لنکا اور ویسٹ انڈیز کا آمنا سامنا ہوگا۔
