وفاقی وزیر دفاع خواجہ آصف نے کہا ہے کہ ہم چاہتے ہیں عمران خان کو چھوٹ ملنی چاہیے وہ جو کرنا چاہتے ہیں کرلیں۔
انہوں نے یہ بیان میڈیا نمائندوں سے گفتگو کرتے ہوئے دیا اور کہا کہ لندن روانگی کا مقصد کوئی بڑا اجلاس نہیں ہے بلکہ خیر سگالی ملاقات کیلئے جارہے ہیں، ہم نے جب سے حلف اٹھایا ہے یہ سوچ رہے تھے کہ کب قائد میاں نواز شریف سے ملاقات ہوگی۔
انہوں نے بتایا کہ آج رات 8 سے 10 لوگ نجی دورے پر لندن روانہ ہورہے ہیں، ہمارا یہ دورہ سیاسی نہیں ہے بلکہ احترام میں اپنے قائد سے ملاقات کیلئے جارہے ہیں، ہم ملاقات میں ان سے سیاسی مشاورت کریں گے، کوئی خصوصی ایجنڈا لے کر نہیں جارہے، آنے والے دنوں کی حکمت عملی پر بھی بات چیت ہوگی۔
ملاقات غیر معمولی ہونے سے متعلق سوال کے جواب میں خواجہ آصف کا کہنا تھا کہ کوئی غیر معمولی ملاقات نہیں ہے میں پارٹی کارکن ہوں ہم کیا غیر معمولی بات کریں گے، عمران خان کو چھوٹ مل جانی چاہیے وہ کرلیں جو انہوں نے کرنا ہے۔