شہدا کے جنازے میں شرکت نہ کرنے پر تنازع کھڑا کیا گیا،صدر مملکت
صدر مملکت عارف علوی نے بلوچستان میں ہیلی کاپٹر حادثے کے شہدا کے نماز جناز میں شرکت نہیں کی، جس کے باعث انہیں تنقید کا سامنا کرنا پڑا، صدر مملکت نے تنقید کرنے والوں کو جواب دے دیا، انہوں نے کہا کہ نمازہ جنازہ میں میری عدم شرکت پر غیر ضروری تنازع کھڑا کیا گیا۔
انہوں نے کہا کہ مجھے ایک موقع ملا ہے کہ میں ان لوگوں کی جانب سے نفرت انگیز ٹویٹس کی مذمت کروں جو نہ تو ہماری ثقافت اور نہ ہی ہمارے مذہب سے واقف ہیں،
ٹوئٹر پر عارف علوی نے کہا کہ جن لوگوں نے وطن کی خاطر جان قربان کی ہم ان کی یاد کی توہین کیسے کرسکتے ہیں؟قرآن کریم میں شہید کا مقام واضح ہے اور اللہ تعالیٰ نے انہیں حیات جاوداں بخشی ہے۔
چار روز قبل بلوچستان کے ضلع لسبیلہ میں حادثے کا شکار ہونے والے فوجی ہیلی کاپٹر کا ملبہ تلاش کر لیا گیا تھا اور اس حادثے میں کور کمانڈر کوئٹہ لیفٹیننٹ جنرل سرفراز علی سمیت چھ افراد شہید ہوئے تھے۔