لاہور: پاکستان مسلم لیگ ن کے صدر میاں محمد شہباز شریف ہفتے کو صبح ساڑھے 4 بجے غیرملکی ایئرلائن کی پرواز کیو آر 621 کے ذریعے لاہور سے دوحہ روانہ ہوں گے۔
خاندانی ذرائع کے مطابق شہباز شریف کی بیرون ملک روانگی کے لئے ہنگامی بنیادوں پر تیاریاں جاری ہیں، لیگی صدر لندن میں 22 مئی کو اپنے معالج سے طبی معائنہ کروائیں گے۔
خاندانی ذرائع کے مطابق برطانیہ نے پاکستان کو ریڈ لسٹ میں شامل کر رکھا ہے اس لئے کوئی بھی پرواز پاکستان سے برطانیہ نہیں جا سکتی۔ شہباز برطانیہ جانے کے لئے قطر میں ضروری قرنطینہ کرینگے، دوحہ میں تقریبا 10 روز قرنطینہ کے بعد لندن جائیں گے۔https://urdu.dunyanews.tv/index.php/ur/Pakistan/600792
ذرائع کے مطابق شہباز شریف معالجین کی اجازت ملنے کے بعد ممکنہ طور پر 3 جولائی کو واپس آئیں گے۔
پارٹی ذرائع کے مطابق لیگی صدر کا بیرون ملک روانگی سے قبل پارٹی رہنماوں سے ویڈیو لنک پر رابطہ ہوا ہے، شہباز نے شاہد خاقان عباسی، احسن اقبال، رانا ثناء اللہ سمیت دیگر رہنماوں کو ملکی سیاسی معاملات بارے ہدایات دیں۔
https://urdu.dunyanews.tv/index.php/ur/Pakistan/600807