سیالکوٹ واقعہ ناقابل برداشت ہے، فنکار برادری بھی برہم ۔۔ ماہرہ خان کا وزیراعظم سے سوال
سیالکوٹ واقعے نے ہر دل دہلادیا ہے،سیاسی سماجی مذہبی رہنماؤں سمیت فنکار برادری نےبھی واقعے کی شدید الفاظ میں مذمت کردی، سوشل میڈیا پر شوبز فنکاروں کی جانب سے شدید غصے کا اظہار کیا جارہاہے۔
انکا کہنا تھا کہ یہ واقعہ پاکستانی قوم کیلئے شرمناک ہے۔ اس واقعے نے ہمارے سرشرم سے جھکادئیے ہیں۔ انکا کہنا تھا کہ ایک بے گناہ شخص کو اس طرح مارنا کہاں کی انسانیت ہے؟ کیا ایک جتھے کو یہ اجازت ہونی چاہئے کہ وہ قانون اپنے ہاتھ میں لے
اداکار فیصل قریشی نے لکھا کہ اس شرمناک واقعے سے پوری پاکستانی قوم شرمندہ ہے۔
گلوکار عاصم اظہر نے کہا کہ اللہ تعالیٰ ہمیں سوجھ بوجھ، انسانیت اور برداشت عطا فرمائے۔
مہوش حیات نے لکھا کہ اس انسانیت سوز واقعے نے ہمارے سر شرم سے جھکا دیے۔
ماہرہ خان نے وزیراعظم عمران خان سے مخاطب ہوتے ہوئے پوچھا کہ اس شرمناک واقعے پر جواب دیں، کون انصاف دے گا۔
ہمایوں سعید نے لکھا کہ ’کل سیالکوٹ میں جو کوچھ ہوا اس کے اظہار کے لیے الفاظ ڈھونڈنے کی کوشش کررہا ہوں، ایسا نہیں لگتا کہ اب بھی اتنے گہرے المناک، چونکا دینے والے اور ہولناک واقعے کے اثرات صحیح معنوں میں بیان کرسکتے ہیں، پہلا نہیں اور آخری بھی نہیں ہوگا جب تک کہ خود اصلاح اور تشخیص نہ ہو۔
سری لنکن شہری کی لاش سیالکوٹ سے لاہور کے نجی اسپتال منتقل کردی گئی ہے،ضروری کارروائی کے بعد سری لنکن سفارتخانے کے سپرد کی جائے گی،قتل میں ملوث تیرہ مرکزی ملزمان سمیت ایک سو اٹھارہ افراد گرفتار کرلیا گیا ہے۔