پاکستان کرکٹ بورڈ (پی سی بی) نے آسٹریلوی کرکٹر ڈیوڈ وارنر کی راولپنڈی اسٹیڈیم میں بھنگڑا ڈالنے کی ویڈیو شیئر کر دی۔
سوشل میڈیا پلیٹ فارم پر جاری ویڈیو کو مداحوں کی جانب سے خوب پسند کی جا رہا ہے، ویڈیو میں دیکھا جا سکتا ہے کہ ڈیوڈ وارنر کھیل کے مختلف لمحات کے دوران ڈھول یا میوزک بجنے پر بھنگڑا کرتے ہیں۔
ویڈیو میں دیکھا جا سکتا ہے کہ وارنر کے بھنگڑے سے گراونڈ میں موجود شائقین بھی خوب لطف اندوز ہو رہے ہیں۔
جب کہ گراؤنڈ میں شائقین کرکٹ نے پلے کارڈز اٹھا رکھے ہیں جس پر لکھا ہے کہ وہ وارنر کو پاکستان سپر لیگ کے آئندہ سال ہونے والے ایڈیشن میں بھی دیکھنا چاہتے ہیں۔
یہی نہیں شائقین کرکٹ نے ڈیوڈ وارنر کے علاؤہ دیگر مہمان ٹیم کے کھلاڑیوں کو بھی پی ایس ایل میں دیکھنے کی خواہش کا اظہار کیا ہے۔