مانسہرہ:سینیٹر سراج الحق نے کہا ہے کہ حکومت ڈلیور نہیں کرپارہی ، حالات دن بدن گھمبیر صورت اختیار کررہے ہیں،126 دن کا دھرنا دینے والوں کو کشمیر میں 126 دن کا کرفیو نظر نہیں آتا۔
اپنے ایک بیان میں سینیٹر سراج الحق کا کہنا تھا کہ حکمران خود اپنے لئے قبریں کھود رہے ہوں تو حکومتیں
اپنی مدت پوری نہیں کرتیں،حکمرانوں کو اپنی غلطیوں کا احساس اس وقت ہوگاجب وقت ان کے ہاتھ سے نکل چکا ہوگا،حکومت ڈلیور نہیں کرپارہی ، حالات دن بدن گھمبیر صورت اختیار کررہے ہیں،تو مڈ ٹرم الیکشن میں کوئی مضائقہ نہیں،126 دن کا دھرنا دینے والوں کو کشمیر میں 126 دن کا کرفیو نظر نہیں آتا، ان ہاؤس تبدیلی اورقبل از وقت الیکشن بھی جمہوریت کا حصہ ہیں۔سراج الحق کا مزید کہنا تھا کہ 22دسمبر کو مظلوم کشمیریوں سے اظہار یکجہتی کیلئے ملک بھر سے لاکھوں لوگ اسلام آباد پہنچیں گے اورحکمرانوں سے کشمیر پرخاموشی توڑنے کامطالبہ کریں گے، ہمارے حکمران خاموش تماشائی بنےہوئےہیں،پاکستان کے22کروڑ عوام مظلوم کشمیریوں کے ساتھ کھڑے ہیں۔ان کا مزید کہنا تھا کہ جن لوگو ں کواپنا ہوش نہ ہو،جو رات بھرجاگتےاورصبح سوتے ہوں اورعوام سے کٹے ہوئے ہوں، اُن سےکوئی اُمیدرکھناخودفریبی کےسوا کچھ نہیں ،
حکمرانوں نے اپنے ووٹرز، سپو رٹرز اور سب سے بڑھ کر ان نوجوانوں کو سخت مایوس کیا ہے جنہوں نے بڑی امنگوں اور ارمانوں سے ان کا ساتھ دیا تھا،حکومت آرمی چیف کی مدت ملازمت کے معاملے کو ایک بارعدالت میں تماشابناچکی،اَب اسمبلی میں محتا ط رہے،اِس حساس معاملےپرحکومت کارویہ اَب بھی مثبت اورسنجیدہ نہیں ہے ، چیف الیکشن کمشنر کی تقرری اتفاق رائے سےہونی چاہئے،اِس منصب کا تقاضا ہے کہ ایک غیر جانبدار فردکو چیف الیکشن کمشنر بنایا جائے۔
126 دن کا دھرنا دینے والوں کو کشمیر میں 126 دن کا کرفیو نظر نہیں آتا: سراج الحق - GNN HD News
مانسہرہ:سینیٹر سراج الحق نے کہا ہے کہ حکومت ڈلیور نہیں کرپارہی ، حالات دن بدن گھمبیر صورت اختیار کررہے ہیں،126 دن کا دھرنا دینے والوں کو کشمیر میں 126 دن کا کرفیو نظر نہیں آتا۔
gnnhd.tv