جیک لیچ کے سر پر بال کم ہونے کی وجہ سے ان کے سر پر مختلف حصوں سے رگڑ کر گیند چمکائی جس پر کمنٹری باکس میں بیٹھے کمنٹیٹر مسکراتے رہے۔
تفصیلات کے مطابق راولپنڈی میں جاری پاکستان اور انگلینڈ کے درمیان کھیلے جانے والے پہلے ٹیسٹ میچ کے دوران انگلش کرکٹر جوروٹ نے گیند چمکانے کیلئے نیا طریقہ آزمایا جس کی ویڈیو سوشل میڈیا پر وائرل ہو رہی ہے۔
عام طور پر گیندبازی کے دوران کرکٹرز ماتھے پر لگے پسینے یا تھوک سے گیند کو چمکاتے ہیں لیکن گیند کو تھوک لگانے پر پابندی پر راولپنڈی ٹیسٹ میچ کے دوران انگلش کرکٹر جوروٹ نے گیند کو چمکانے کے لیے ساتھی کھلاڑی جیک لیچ کے سر پر بال کم ہونے کی وجہ سے ان کے سر پر مختلف حصوں سے رگڑ کر گیند چمکائی جس پر کمنٹری باکس میں بیٹھے کمنٹیٹر مسکراتے رہے۔
پاکستان کرکٹ بورڈ (پی سی بی) کے آفیشل ٹویٹر اکائونٹ سے جاری ویڈیو میں دیکھا جا سکتا ہے کہ انگلش کرکٹر جوروٹ اپنے ساتھی کرکٹر جیک لیچ کے سر سے ان کی کیپ اتار کر گیند کو مسل رہے ہیں جس کے بعد گیند چمکا کر وہ آگے بڑھ گئے جس کو دیکھ کر ساتھی کھلاڑی مسکراتے رہے اور کمنٹری باکس میں بیٹھے کمنٹیٹر نے بھی خوب قہقہے لگائے!
انگلش کمنٹیٹر ناصر حسین نے یہ منظر دیکھ کر ساتھی کمنٹیٹر کو مذاق کرتے ہوئے کہا کہ وہ میری طرف نہ دیکھیں کیونکہ ان کے سر پر بھی بہت کم بال ہیں! دوسرے کمنٹیٹر نے کہا کہ کرونا وائرس کے باعث گیند پر تھوک لگانے پر پابندی پر جوروٹ نے گیند چمکانے کا نیا طریقہ نکالا ہے جو انوکھا ہے!
پاکستان کرکٹ بورڈ کی طرف سے ویڈیو کو ٹویٹر پر شیئر کیے جانے کے بعد ٹویٹر صارفین اور کرکٹ کے شائقین کی طرف سے تبصرے کیے جا رہے ہیں، ایک صارف نے ویڈیو پر ردعمل دیتے ہوئے اپنے ٹویٹر پیغام میں لکھا کہ: واقعی ایک انوکھا طریقہ دریافت ہوا ہے!
ایک ٹویٹر صارف نے لکھا کہ: ہم ایک بینڈ بنانے جا رہے ہیں جس کا نام ہم "ہیڈشائن" رکھیں گے۔
ایک اور ٹویٹر صارف نے دلچسپ تبصرہ کرتے ہوئے لکھا کہ: پاکستان کرکٹ ٹیم میں بھی ایک گنجا کھلاڑی ہونا چاہیے، پی سی بی سے سوال کرتے ہوئے کہا کہ ہماری ٹیم کے کھلاڑیوں کے بال کون کاٹے گا؟
