بھارت کو آگے بڑھنا ہے تو افغانستان کو جیتنا ہو گا،دلچسپ میمز کا طوفان

14%D9%85%D8%B9%D9%85%D8%B3.jpg

ٹی 20 ورلڈ کپ کے سیمی فائنل تک رسائی کے لئے افغانستان کی جیت بھارت کے لئے بہت ضروری ہو گئی، بھارتی شائقین کرکٹ کل ہونے والےمیچ میں نیوزی لینڈ کے خلاف افغانستان کی فتح کی دعا کرنے لگے۔

تفصیلات کے مطابق بھارتی ٹیم کی اگلے مرحلے میں رسائی کیلئے افغانستان کے ہاتھوں نیوزی لینڈ کی شکست لازمی ہے اور بھارتی ٹیم کا مستقبل اسی میچ پر منحصر ہے، دوسری جانب ایسا لگتا ہے کہ کرکٹ شائقین سارا کھیل میدان کے بجائے سوشل میڈیا پر ہی کھیل رہے ہوں، سوشل میڈیا پر نیوزی لینڈ اور افغانستان مستقل ٹرینڈ کر رہے ہیں۔

افغانستان کے ہاتھوں نیوزی لینڈ کی شکست کی صورت میں بھارت نمیبیا کو ہرا کر پوائنٹس ٹیبل پر افغانستان اور نیوزی لینڈ کے برابر آجائے گا اور یوں رن ریٹ کی بنیاد پر سیمی فائنل میں کوالیفائی کرجائے گا۔

افغانستان اور نیوزی لینڈ کی ٹیموں کے درمیان ابو ظبی میں اہم میچ کل کھیلا جائے گا۔

اس اگر مگر کی صورتحال میں بھارتی شائقین نے افغانستان کی جیت کیلئے دعائیں شروع کردی ہیں، اس حوالے سے طرح طرح کے میمز شیئر کیے جا رہے ہیں
۔

بھارتی شائقین کی جانب سے دلچسپ میمز کا سلسلہ جاری ہے، ایک سوشل صارف نے ٹویٹ میں ایک مزاحیہ تصویر شیئر کی اور لکھا کہ افغانستان اور نیوزی لینڈ کے میچ سے پہلے کی صورتحال۔




وسیم جعفر نامی صارف کا کہنا تھا کہ اس وقت صورتحال یہ ہے کہ بھارت اور آسٹریلیا کو ورلڈ کپ میں اپنا سفر جاری رکھنے کے لئے ناصرف جیت کی ضرورت ہے بلکہ افغانستان اور انگلینڈ کی جیت بھی ضروری ہے۔




واضح رہے کہ ٹی 20 ورلڈ کپ میں پاکستان کی پوزیشن مستحکم ہے اور وہ ابھی تک سیمی فائنل میں پہنچنے والی واحد ٹیم ہے۔

اس سے قبل انڈیا اور افغانستان کے میچ میں جس طرح انڈیا نے افغانستان کو بڑے مارجن سے شکست دی تھی اس پر بھی بہت سارے میمز شیئر کیے گئے تھے یہاں تک کہ بڑی تعداد میں لوگوں نے اس میچ پر فکس ہونے کا الزام بھی لگایا تھا اور کہا تھا کہ افغانستان کے کھلاڑیوں نے انڈیا کی راہ ہموار کرنے کے لیے کھیلا ہے۔
 
Advertisement
Sponsored Link