بھارتی فلمساز اور میوزک ریکارڈ لیبل نے آنے والی فلم جگ جگ جیو میں شامل کیے گئے پاکستانی گانے ’’نچ پنجابن نچ‘‘ کا ابرار الحق کو کریڈٹ دے دیا، کرن جوہر کی ہدایت کاری میں آنے والی فلم ’جُگ جُگ جیو‘ میں ابرار الحق کا پرانا مشہور گانا نچ پنجابن نچ ٹی سیریز کے بینر تلے ریلیز کیا گیا ہے۔
فلم کا ٹریلر ریلیز ہونے پر ابرارالحق نے اپنا مشہور گانا کاپی کیے جانے پر بالی ووڈ کے نامور پروڈیوسر کرن جوہر پر برہمی کا اظہار کیا،انہوں نے ٹویٹ پر لکھا کہ میں نے کسی بھی بھارتی فلم کو اپنے گانے کے حقوق فروخت نہیں کیے، میں اپنے گانے کو بھارتی فلم میں استعمال کیے جانے پر ہرجانے کے لیے کورٹ جانے کا حق محفوظ رکھتا ہوں۔
دھمکی کے بعد فلم کے گانے کا کریڈٹ بھارتی فلم ساز اور ریکارڈ لیبل کمپنی نے ابرارالحق کو دے دیا،ماضی میں اس گانے کو تنیشک گپی،زہرا رومی ابرار نے گایا تھا جبکہ اسے ٹی سیریز کے بینر تلے ریلیز کیا گیا تھا۔
اس سے قبل پاکستانی گلوکار کے الزامات کو کرن جوہر اور ٹی سیریز نے مسترد کردیا تھا اور کہا تھا کہ انہوں نے ’نچ پنجابن نچ‘ کے کاپی رائٹس حاصل کر رکھے ہیں۔
ابرارالحق کا یہ گانا سال 2002 میں ریلیز ہوا تھا جو اس وقت کا سپر ہٹ سانگ تھا، بعد ازاں پاکستانی فلم کون بنے گا کروڑ پتی میں بابر علی، معمر رانا اور اداکارہ نور پر فلمایا گیا تھا۔
