بھارتی بلے باز کیسے پویلین لوٹے؟شاہین آفریدی کا شائقین کو دلچسپ جواب،ویڈیو

1afridact.jpg

پاکستان کرکٹ ٹیم کے مایہ ناز بولر شاہین شاہ آفریدی نے اسکاٹ لینڈ کے خلاف میچ کے دوران میدان میں موجود تماشائیوں کی منفرد خواہش پوری کی، انہوں نے بتایا کہ کس طرح ان کی بولنگ کے سامنے بھارتی بلے باز ٹک نہیں پائے اور ایک کے بعد ایک پویلین پہنچ گئے۔

ٹی 20 ورلڈ کپ کے پاکستان بمقابلہ اسکاٹ لینڈ میچ میں باؤنڈری کے پاس فیلڈنگ کے دوران شائقین کرکٹ نے شاہین شاہ آفریدی کے حق میں خوب نعرے بازی کی اور تماشائیوں نے ان کے سامنے انوکھا مطالبہ بھی رکھا۔ شاہین نے مداحوں کی خواہش پوری کرتے ہوئے بتایا کہ ان کی بولنگ کے سامنے بھارتی بیٹنگ لائن لڑکھڑا گئی تھی۔


شاہین نے بتایا کہ کس انداز سے بھارت کے خلاف میچ میں انہوں نے کے ایل راہول، روہت شرما اور ویرات کوہلی کا شکار کیا تھا۔ انٹرنیٹ پر وائرل ویڈیو میں دیکھا جاسکتا ہے کہ شاہین ایکشن کے ذریعے بتا رہے ہیں کہ بھارتی کھلاڑی کے ایل راہول، روہت شرما اور کپتان ویرات کوہلی کیسے آؤٹ ہوئے۔


قومی فاسٹ بولر کے اس انداز پر تماشائی مزید پرجوش نظر آئے۔ خواہش پوری ہونے پر میدان میں موجود شائقین کرکٹ نے شاہین کے حق میں خوب تالیاں بھی بجائیں اور آفریدی، آفریدی کے نعرے بھی لگائے۔
 
Advertisement
Sponsored Link