بھارتی لاکھ چاہیں پاکستان کا کسی میدان میں مقابلہ نہیں کرسکتے، ہاں لیکن پاکستان کی جانب سے قائم کی گئی اعلیٰ مثال کو ضرور ہوبہو کاپی کرسکتے ہیں،جی ہاں بھارتی کرکٹ ٹیم نے پاکستانی کھلاڑیوں کا انداز اپنالیا، آئی سی سی ٹی ٹوئنٹی ورلڈ کپ میں بھارتی کرکٹ ٹیم اسکاٹ لینڈ کی ٹیم کو شکست دینے کے بعد اسکاٹ لینڈ کےڈریسنگ روم پہنچ گئی۔
بھارتی کرکٹ ٹیم نے اسکاٹ لینڈ کو آٹھ وکٹوں سے شکست دینے کےبعد مخالف ٹیم کا حوصلہ بڑھانے کے لئے اسکاٹ لینڈ کے ڈریسنگ روم کا دورہ کیا اور کھلاڑیوں سے ملے،ویڈیو سوشل میڈیا پر وائرل ہوگئی۔
سوشل میڈیا صارفین کی جانب سے بھارتی ٹیم کے پاکستان کی نقل میں کئے گئے اقدام کو پذیرائی مل رہی ہے، جبکہ پاکستان کی نقل اتارنے پر مذاق بھی اڑایا جارہاہے، کرکٹ اسکاٹ لینڈ کے آفیشل اکاؤنٹ پر تصاویر شیئر کرتے ہوئے بھارتی کپتان ویرات کوہلی اور دیگر کھلاڑیوں کو خراج تحسین پیش کیا گیا۔
ایک پاکستانی صارف نے لکھا یہ ہمیں کاپی کررہے ہیں۔
کاشف چوہدری نے لکھا بالی ووڈ سے لے کر انڈین ٹیم تک سارے کاپی کیٹ۔
دیگر صارفین کی جانب سے بھی بھارٹی ٹیم کو نقل چور کہا جارہاہے،پاکستان ٹیم کے کھلاڑی تین روز قبل میچ اختتام پر نمیبیا کے ڈریسنگ روم میں گئے تھے اور ان کی حوصلہ افزائی کی تھی،جسے شائقین کرکٹ اور سوشل میڈیا صارفین کی جانب سے بھرپور سراہا گیا تھا۔
پاکستان کرکٹ بورڈ کے ٹوئٹر اکاؤنٹ پر ایک ویڈیو پوسٹ کی گئی جس میں دیکھا جاسکتا ہے کہ فتح کی خوشی منانے کے بعد پاکستانی شاہینوں نے نمیبیا کرکٹ ٹیم کے ڈریسنگ روم کا رخ کیا،لاہور قلندرز کے کھلاڑی شاہین آفریدی اور حارث رؤف، ڈیوڈ ویزے سے ہنسی مذاق کرتے ،
نمیبیا کے اسسٹنٹ کوچ ایلبی مورکل نے بھی اس کی ویڈیو شیئر کی اور پاکستانی ٹیم کی اس محبت اور جذبے پر شکریہ ادا کیا تھا۔