*~* غزل *~*
عؔلی خان
بَلا کے ہَاتھ مِیں اَب اَور زِندگی نَہیں رَہی
گُزر گیا ہے سَانپ بھی، لَکیر بھی نَہیں رَہی
بڑی بڑی عِمارتوں کو دیکھ کر نہ سوچیئے
کہ اِس دیار مِیں کوئی بھی جَھوپنڑی نَہیں رَہی
نَہ جانے قہقہے میں کون سِی وہ اِیسی بَات تھی
جو گُونجتی تھِی چَار سُو، وہ خَامشی نَہیں رَہی
حَضُور! اِنتظار مِیں، کھڑے ہوئے قَطار مِیں
گُلاب جِیسے عَارِضوں مِیں تَازَگی نَہیں رَہی
صَدائے گِیت کو ذَرا سَا اَور دِھیما کِیجئے
کہ اَب تو اِس کے شور میں وہ نَغمگی نَہیں رَہی
کِتاب مِیں لِکھے ہوئے حَرُوف دُھندلے ہو گئے
دَریچوں مِیں جو شَام کی بھی رَوشنی نَہیں رَہی
عؔلی اَبھی تَلک وہ نَام ڈائِری مِیں دَرج ہے
اَگرچہ مِیری اُس سے اَب وہ دوسَتی نَہیں رَہی
© عؔلی خان | Source
