پاکستان سپر لیگ میں کراچی کنگز کے کپتان بابراعظم سب سے زیادہ کیچز پکڑنے والے نان کیپنگ فیلڈر بن گئے ہیں۔
تفصیلات کے مطابق بابراعظم نے یہ اعزاز گزشتہ روز اسلام آباد یونائیٹڈ کے خلاف میچ میں تین کیچز پکڑ کر حاصل کیا ہے۔
میڈیا رپورٹس کے مطابق گزشتہ روز پکڑے گئے کیچز کے بعد بابراعظم کے پی ایس ایل سیزن 7 میں اب تک کے کیچز کی تعداد35 ہوگئی ہے۔
ان سے پہلے سب سے زیادہ نان کیپنگ کیچز کا اعزاز کوئٹہ گلیڈی ایٹرز کے محمد نواز کے پاس تھا جنہوں نےاب تک اس سیزن میں 33 کیچز پکڑے تھے۔
ٹویٹر پر کراچی کنگز کے آفیشل ٹویٹر ہینڈل سے بابراعظم کے اس اعزاز پر ایک بیان جاری کیا گیا جس میں کہا گیا ہے کہ ہمارے کپتان نے آج تین کیچز پکڑے، آج ہم ان کے بلے سے بھی ایسی ہی کارکردگی دیکھنا چاہتے ہیں مگر کراچی کو اسلام آباد یونائیٹڈ کے ہاتھوں مسلسل پانچویں شکست کا سامنا کرنا پڑا۔
واضح رہے کہ پاکستان سپر لیگ کے ساتویں سیز ن میں اب تک بطور وکٹ کیپر سب سے زیادہ کیچز پشاور زلمی کے وکٹ کیپر کامران اکمل نے پکڑے ہیں جن کی تعداد52 ہے۔