ٹیسلاموٹرزکے چیف ایگزیکٹو آفیسر(سی ای او) اور اسپیس ایکس کے بانی ایلون مسک نے سماجی رابطے کی ویب سائٹ ٹوئٹرکے بعد مشروب ساز کمپنی کوکا کولا خرید کرنے کا ارادہ ظاہر کردیا، کہتے ہیں کہ آئندہ میں کوکا کولا خریدنے جا رہا ہوں۔
تفصیلات کے مطابق دنیا کے امیر ترین شخص ایلون مسک نے اپنے سماجی رابطے کی معروف ترین مائیکرو بلاگنگ ویب سائٹ ٹوئٹر پر اپنی پوسٹ میں اپنے آئندہ کے مستقبل کے بارے میں آگاہ کیا۔
ایلون مسک نے اپنی ٹوئٹ میں لکھا کہ وہ اس مشروب میں کوکین دوبارہ متعارف کرائیں گے۔
کھرب پتی نے یہ تبصرہ ٹویٹرکی خریداری کے لیے 44 ارب ڈالر کے معاہدے کی تصدیق کے دو دن بعد کیا ہے۔
اطلاعات کے مطابق حقیقت پسندانہ طورپرکوکا کولاکمپنی کی مالیت اس وقت 284 ارب ڈالر ہے جبکہ مسک کی خالص مالیت اس وقت 253 ارب ڈالر تک محدود ہے۔
ٹریڈنگ کمپنی فنٹ فٹ نے دنیا کے امیر ترین شخص ایلون مسک کی ٹویٹ پر انہیں طنز کرتے ہوئے کہا کہ آپ کوکا کولا کمپنی خریدنے کے لیے بہت غریب ہیں۔
اس سے قبل گزشتہ دنوں مسک نے مائیکرو بلاگنگ ویب سائٹ ٹوئٹر کو تقریباً 44 ارب ڈالرز میں خریدنے کا معاہدہ کیا تھا، جس کے بعد ٹوئٹرکا کنٹرول اب دنیا کے امیر ترین شخص کومنتقل ہوجائے گا۔
