امریکہ میں مقیم پاکستانی نژاد خاتون فوٹوگرافر کو مبینہ طور پر ان کے سابق شوہر سابقہ شوہر نے فائرنگ کر کے قتل کر دیا ہے اور خود کو بھی گولی مارکر خودکشی کرلی۔
تفصیلات کے مطابق امریکہ کے شہر شکاگو میں رہائش پذیر ایک خاتون فوٹوگرافر اور کونٹینٹ ڈویلپر ثانیہ خان کو مبینہ طور پر ان کے سابق شوہر سابقہ شوہر نے فائرنگ کر کے قتل کر دیا ہے۔۔
مقامی اخبار شکاگو ٹریبیون کے مطابق ایک پولیس رپورٹ میں بتایا گیا ہے کہ جب جائے وقوعہ کے احاطے میں قانون نافذ کرنے والے اداروں کے افسران داخل ہوئے تو پاکستانی نژاد فوٹوگرافر خاتون ثانیہ خان کو مردہ حالت میں پایا، ان کی کھوپڑی کے پچھلی حصے میں گولی ماری گئی تھی اور ان کے سابق شوہر راحیل احمد کو سر پر گولی لگی ہوئی تھی۔
بین الاقوامی میڈیا ذرائع کے مطابق خاتون فوٹوگرافر کے سابق شوہر و مبینہ شوٹر کے پاس سے اسلحہ ملا ہے اور قریب سے ایک خودکشی نوٹ بھی ملا ہے۔ ثانیہ خان کے سابق شوہر راحیل احمد کو ناتھ ویسٹرن ہسپتال میں منتقل کر دیا گیا جہاں پہنچنے پر انہیں مردہ قراد دیا گیا۔ پولیس کے مطابق سابق شوہر نے ثانیہ خان کو گولی مار کر خود پر بھی گولی چلائی۔
شکاگو پولیس کے مطابق ثانیہ خان نے سوشل میڈیا پر اپنی طلاق کے بارے میں آواز اٹھائی تھی اور انہوں نے ان خرابیوں پر افسوس کا اظہار کیا تھا جن کی وجہ سے انہیں ایک طلاق یافتہ خاتون کے طور پر سامنا کرنا پڑا تھا۔
TikTok - Make Your Day
www.tiktok.com
سماجی رابطوں کی ویب سائٹ ٹک ٹاک پر انہوں نے لکھا تھا کہ "ایک جنوبی ایشیائی خاتون ہونے کے ناطے طلاق سے گزرتے ہوئے محسوس ہوتا ہے کہ آپ اپنی زندگی میں ناکام ہو گئے ہیں، اور آپ کو ملنے والی جذباتی حمایت کی کمی اور کسی کے ساتھ رہنے کا دبائو "لوگ کیا کہیں گے" جیسے الفاظ کا ہر روز سامنا کرنا پڑتا ہے۔
فوٹوگرافر ثانیہ خان نے اپنے خیالات کا اظہار کرتے ہوئے مزید لکھا تھا کہ "اس سے دور جانا انتہائی تکلیف دہ ہوتا ہے جس سے آپ نے کبھی بہت زیادہ پیار کیا ہو، لیکن کسی ایسے شخص سے محبت کرنا جو آپ کے دل سے لاپرواہ ہو اس سے بھی زیادہ تکلیف دہ ہوتا ہے"
بین الاقوامی میڈیا کی رپورٹ کے مطابق ثانیہ خان نے نفسیات اور خواتین کے مطالعہ میں دہری ڈگری حاصل کر رکھی تھی اور اس نے حال ہی میں اپنے فوٹوگرافی کیریئر کا آغاز کیا تھا۔
