janab yahan mozu hai makhlut taleem....... Islam aurat ko izzat aur tahaffuz faraham karta hai.. iss ke husul ke liye marad aur aurat ke ikhtilat se mana karta hai... HIJAB ya pardah ek zarya hai... Taliban ka makhlut taleem per pabandi ka faisla sirf bikul ain deen e islam ke mutabiq hai.. iss men kisi behes ki gunjaish nahin... taeshekkur
azeezam aki sb, baat kisi mozoo ki nahin hai balkeh bunyaadi usool ki hai keh jis ke mutaabiq kisi baat ko asal deene islam ke mutaabiq drust ya ghalat kahaa jaa sake.
agar hamaari bunyaadi hi na ho ya drust na ho to phir aap bataayen ham kisi bhi baat ka faisla kaise ker sakte hen keh ye deene islam ke ain mutaabiq hai ya nahin hai? asal main talebaan ko kerna ye chahiye keh woh aik quraan research committee tashkeel den jo pakke tor per maloom kare keh asal deene islam hai kia. phir jab maloom ker len to us ko naafiz kar den. main ye pakke tor per jaanta hun keh mullaan ka islam asal deene islam bilkul hi nahin hai is liye keh ye bunyaadi tor per aik mazhab hai aur mazhab ko hakoomat ka koi haq hi nahin hai aur is ki wajah ye hai keh is ko is duniya ke kaamun se woh taaluq hi nahin hai jo hona chahiye. isi baat ko main ne badi tafseel ke saath ooper diye ge links main explain ker diya hai. aap agar aap ke paas waqt ho to wahaan dekh sakte hen.
lihaaza jab tak un ko asal deene islam maloom nahin ho jaata tab tak woh kaam chalaaye rakhen jaise bhi chal sakta hai ta keh halaat mazeed kharaab na hun. talebaan ke liye sab se badaa masla logoon ke roti paani ka munaasib bandobast karna hai. bhooke nange logoon per mazeed zor zabardasti se halaat kharaab ho sakte hen. talebaan ke paas ye sunehri moqa hai khudaa ki taraf se keh woh duniya ko bataayen asal deene islam kia hai. pakistan banaane waalun se bhi yahee ghalati hui thi jis ki sazaa ham aaj tak bhugat rahe hen.
agar woh pakistan banaane se pehle aik proper islami dastooro qanoon tayaar ker lete to phir pakistan aik mazhabi aur secular riyaasat ban ker na reh jaata. un ka khayaal tha keh ham pehle mulk banaa len islam baad main work out kar ke naafiz ker len ge jo aaj tak nahin ho saka aur aainda bhi mushkil hi lag rahaa hai keh logoon ko asal deene islam ki taleem hi nahin di jaati aur us ki wajah yahee hai keh logoon ko asal deene islam maloom hi nahin hai. log bas apne apne bebunyaad zehni tasawuraat ko deene islam ka naam de ker chal rahe hen. duniya main sab musalmaanu ke mulk musalmaanu hi ke mulk hen islam ke nahin. is liye keh un ko maloom hi nahin asal deene islam kia hai aur us ka maqsade nazool kia hai. jab asal maqsad hi maloom nahin hai to chalen ge kis ke peechhe aur us ko poora kaise karen ge?
agar aaj taleban ne bhi ye moqa haath se gawaan diya to phir afghanistan bhi aik aur pakistan ban ker reh jaaye ga. yaani mazhabi zehnu waale log is ko aik taraf kheenche ge aur secular zehnu ke maalik doosri taraf aur mulk khaana jangi ki nazar ho jaaye ga. agar afghanistan aik mazhabi riyaasat ban gayaa to islam aik baar phir badnaam ho ga khud musalmaanu ke haathun jab log bhooke maren ge aur agar secular mulk ban gayaa to phir istehsaali nizaamun ke shakanje main aa jaaye ga pakistan hi ki tarah aur us ka nikalna mushkil hi ho ga.
taleban kia karen ge, woh khud un ke liye achha ho ga ya bura ye sab un ko sochna chahiye. mere liye koi masla nahin hai agar taleban aik aur pakistan ban jaayen keh pehle hi aise mulkun se duniya bhari padi hai. mujhe agar takleef hoti hai to is baat ki keh log ghalatiyan khud kerte hen aur gaaliyan khudaa rasool ko dete hen apni shiddate jahaalat ki wajah se. ya jin buri baatun ko woh khudaa rasool ki taraf mansoob kerte hen woh apni jahaalat ki wajah se un ko achhaa samajh ker aisa kerte hen. lihaaza jab tak aisi taleem aam nahin ho gi jo insaanu ko baatun ko theek tarah samajhna sikhaa sake insaanu ki haalat yahee rahe gi badal nahin sakti. chahe log koi bhi hun aur kaheen ke bhi hun.
quraan main khudaa ne bataa diya hai keh jab tak log khud apni haalat nahin badalte khudaa un ki haalat nahin badalta. baat sirf apna qibla drust kerne ki hai aur qibla maqsad ko kehte hen. khudaa ne deene islam kisi maqsad ke liye naazal kiya hai aur jab tak log us maqsad ko nahin jaan lete woh us maqsad ko poora bhi nahin ker sakte. issi liye main yahee keh rahaa hun keh taleban sab se pehle us maqsad ko dhoonden aur apnaayen taa keh un ko woh kuchh mil sake jis ki un ko khudaa se milne ki tawaqo hai. warna jahaan itni duniya dhakke khaa rahee hai wahaan kuchh aur log bhi apni ker ke dekh len nateeja wohee nikle ga jo deegar qowmun ka hamaare saamne hai sadiyun se. rasoole khudaa ke baad aaj tak ham khud ko musalmaan kehlwaane waale asal deene islam ko duniya ke saamne laa hi nahin sake. laate kaise hamen khud hi maloom nahin hai asal deene islam kia hia aur na hi is baat ki fiker hai ye baat pakke tor per maloom karen.
regards and all the best.