ارشد شریف اور صابر شاکر کے بعد اینکر عمران خان کے خلاف بھی سندھ میں ایف آئی آر درج
اینکر عمران خان کے خلاف ایف آئی آر دھابیجی پولیس اسٹیشن ٹھٹھہ میں درج کی گئی ۔مقدمے میں کہا گیا ہے کہ عمران ریاض خان نفرت انگیز گفتگو کرتا ہے.
شفاء یوسفزئی نے اس پر تبصرہ کرتے ہوئے لکھا کہ جمہوریت کا تو جو ہوا سو ہوا حیرانگی اس بات کی ہے کہ بڑے بڑے صحافتی بُرج آزادئ رائے پر کدغنیں لگنے پر ایسے چپ ہیں جیسے کبھی اس موضوع پر بات ہی نہ کی ہو۔۔۔۔ اب فاشسٹ کی تعریف بھول گئے ہیں جیسے یادداشت چلی گئی ہو۔
عمرانعام کا کہنا تھا کہ پہلے اینکر پرسن سمیع ابراہیم پر ایف آئی آر ہوئ۔ پھر اینکرز ارشد شریف اور صابر شاکر پر علیحدہ علیحدہ۔ پھر ان تینوں پر ایک مشترکہ ایف آئی آر ہوئ اور ابھی اینکر پرسن عمران ریاض خان پر بھی ایف آئی آر درج ہو چکی ہے۔ میر جعفر بالکل بوکھلا چکا ہے
عبدالغفار ایڈوکیٹ نے کہا کہ اینکر عمران ریاض خان کے خلاف جو مقدمہ درج ہونے کی خبر آ رہی ہے انتہائی قابل مذمت عمل ہے یہ سلسلہ بند ہونا چاہیے چیف جسٹس اطہر من اللہ کے خوف میں بلاول زرداری کے سندھ میں مقدمات درج کئے جا رہے ہیں۔
دوسری جانب ارشد شریف کے خلاف ایک اور مقدمہ درج کرلیا گیا ہے۔ یہ مقدمہ کراچی کے علاقے ملیر کے پولیس اسٹیشن میں درج ہوا۔