میں بہت دیر سے کاغذ پے الٹی سیدھی لکیریں مار رہا ہوں. بہت کچھ لکھنا چاہ رہا ہوں، آپ سب دوستوں سے باتیں کرنا چاہ رہا ہوں کے یہ آپ سب لوگوں سے رابطے کا بھی سبب ہے اور محبت کا بھی. لیکن چاہتے ہوۓ بھی کچھ لکھ نہیں پارہا ہوں. دل پے ایک عجیب سا بوجھ معلوم ہوتا ہے. طبیعت میں بھی ایک بوجھل پن محسوس ہورہا ہے. قلم بھی جیسے ان آڑھی تیڑچھی لکیروں کے درمیان وہ الفاظ ڈھونڈ رہا ہے جو ان پیارے لوگوں کا حق ادا کرسکے جو آج ہمارے درمیان نہیں رہے. کبھی دماغ دل کو تسلی دیتا ہے تو کبھی دل دماغ کی تشفی کرتا ہے. جسے دونوں ایکدوسرے کو صبر کی تلقین کر رہے ہوں. لیکن صبر صرف وقت کے مرہم سے ہی ممکن ہے.
موتیوں سے زیادہ قیمتی دانے ہمارے درمیان سے یوں جارہے ہیں کے موتی کے دانے بھی کسی ہار سے اتنی تیزی سے جدا نہیں ہوتے. موتیوں سے سے زیادہ پیارے اور قیمتی یہ بیش بہا پیاری شفیق شخصیتوں کے مالک اتنے پیارے لوگ ایک کے بعد ایک اور یکدم یوں ہمارے درمیان سے پردہ کرنے لگیں گے کبھی سوچا نہ تھا. یہ پیارے لوگ جو ہمارا ملک کا اور دین اسلام کا سرمایہ تھے جنہوں نے اپنی ساری زندگی الله کی رہ میں اذان دیتے ہوۓ گزار دی. جو ناراض بھی ہوۓ تو صرف الله کی رضا کے لئے اور خوش بھی ہوۓ تو صرف الله کی خوشنودگی کے لئے. ان پیارے لوگوں پر یہ شعر خوب صادق اتا ہے
توحید تو یہ ہیکہ خدا حشر میں کہہ دے
یہ بندہ دو عالم سے خفا میرے لئے ہے
جن کی محنتوں کی وجہ سے بیشمار بھٹکے ہوۓ لوگ راہ راست پر ائے. جنہوں اندھیروں میں بھی علم کی روشنی کے چراغ جلاے رکھے. اس سفر میں بہت سے دلوں کو ایمان کی روشنی سے منور کیا. بہت سے لوگوں کے دلوں میں پیدا ہونے والے شکوک و شبہات کو یقین کی دولت سے مالا مال کیا. اور دلوں میں بنائی ہوئ خود ساختہ فصیلوں کو علم ، دلائل اور حکمت سے بند ان دروازوں کو کھولا اور توحید کی روشنی کا راستہ ممکن بنایا.
آج یہ سارے نایاب لوگ ہمارے درمیان موجود نہیں ہیں. اب جیسے کوئی سرگوشی کر رہا ہو جیسے کوئی صدا لگا رہا ہو کے ڈھونڈو گے اکر ملکوں ملکوں، ملنے کے نہیں نایاب ہیں ہم.
دل افسردہ ہے انکے جانے پر
علم اٹھنے لگے پھر افسوس تو ہوا کرتا ہے
جو نایاب ہو گر شخصیت ایسی
جب جانے لگے پھر افسوس تو ہوا کرتا ہے
آخری سفر پے ہو جب جسد خاکی
خدا حافظ کہیںگے پھر افسوس تو ہوا کرتا ہے
بھیگی بھیگی آنکھوں سے کریں گے جب رخصت
اپنا گیا ہو جیسے پھر افسوس تو ہوا کرتا ہے
از قلم
محممد عارف انصاری
